Page 13 - bestetoj
P. 13
L L LA A A A A AN N NA A AS S SI I ID D DO O O P P PA A AK K KO O O
(1)
Mi nomis ĝin Pako , ne sciante ĉu ĝi estis masklo aŭ femalo.
Temas pri simpatia besteto. Ĝi naskiĝis el iu ovo, kiel ĉiuj
anasidoj kaj ceteraj ovuloj.Ĝi ne konis patrinon, ĉar kaj ĝi kaj
ĝiaj gefratoj estis kovitaj per kovilo kaj venditaj kiel eble plej
baldaŭ apenaŭ naskiĝitaj. Unu el miaj fratoj ĝin aĉetis por mi
en foirejo kiam mi estis ankoraŭ dekunu jaroj aĝa infanino, kaj
dum unu monato de tiu somero, ĝi estis tre fidela kunulo kaj
amiko mia. Mi ĝuis rigardante ĝiajn graciajn movojn, pepanta
gaja kiam ĝi estis ĉe mi, kaj trista, kiam mi devis foriri.
Mi povis distingi kaj klasifiki eĉ kvar malsamajn pepadojn:
ĝiajn:
- KUIK, KUIK, KUIK... kiam ĝi sin sentis sola, ĝi ĉiam
pepadis tiele,
- KUIKUIK, KUIKUIK, KUIKUIK...kiam ĝi sentis teruron,
- KUIKUIK, KUIKUIK, KUIKUIKUIK... kiam ĝi kuradis post mi
aŭ alia persono,
- KUIKUIKUIK, KUIKUIKUIK, KUIKUIKUIK... kiam ĝi estis
manĝanta aŭ sin lavanta, ĝi uzis nepre ĉi tiun pepadon, sed
prononcante tre malaŭte, kvazaŭ susurante aŭ eble parolante
kun si mem.
Ĝia dormoĉambro estis mezgranda kartona skatolo kaj tie mi
ofte metis ĝin dum miaj eliroj for de la domo. En tiaj okazintaĵoj
mi povis aŭdi ĝiajn pepajn plendojn.
La plumoj de mia amiketo estis brunkoloraj kun malhela rekta
mallarĝa linio laŭlonge de la korpo, inkluzive de la kapo ĝis la
vosteto. Ĝi posedis fortajn nigrajn piedojn, nigran bekon kaj du
flugiletojn, kiuj kaŭzis ridon kiam ĝi ilin movis.
