Page 138 - heleco-100
P. 138
de la politika sciencisto kaj profesoro Samuel P. Huntington pri la «Kolizio
de civilizacioj» pruvas, ke la efektivigo de la tutmondiĝa plano ne estas tiel
facila kaj laŭlinia kiel estis planita. Tio estas, vole nevole, daŭre ekzistas
interimperiistaj kontraŭdiroj, kvankam nun ili prenas la formon de kon-
frontiĝoj inter diversaj kulturoj kaj malproksimaj geografiaj areoj. Oni pri-
konsideras teoriojn kiel la dekadenco de la usona supereco en la mondo kaj la
armea konfrontiĝo de ĉi tiu potenco kun Ĉinio.
Sed en ĉio ĉi, kun la ŝanĝo de la situacio kiun ĝi implicas, kian rolon ludas la
novfaŝismaj kaj ksenofobaj movadoj? Ĉar estas evidenta fakto ke ĉi tiuj
ekstremdekstraj movadoj prosperas senĉese, akirante pli kaj pli da popola
akcepto kaj parlamenta reprezentado en eŭropaj landoj, dum plifortiĝas la
ritmo de enmigrado, ĉefe de afrika deveno. Nu, la faŝismo kaj la ksenofobio
plenumas funkcion en la servo al la kapitalista reganta klaso ĉu ĉi tiu
sukcesus aŭ ne deturni militkonfliktojn. En situacio, kiel tiu antaŭvidita en la
artikolo de marto de 1997, de superado de la danĝero de milito, la ultra-
dekstraro havas la mision, kiu estis priskribita en tiu teksto: dividi la
submetitan loĝantaron surbaze de rasa, etna, religia, kultura... sentoj, favore
al la plej granda profito por la reganta klaso. Sed en la okazo ke konkretiĝus
iu milita konfrontiĝo, la funkcio de la (nov)-faŝismaj movadoj estas promocii
la patriotismon de la dominataj klasoj, ankaŭ por la profito de la dominantoj.
Tiu ĉi funkcio aŭ misio de la ekstrem-dekstraraj movadoj estas perfekte
realigebla kondiĉe ke tiuj submetitoj restu malsaĝaj kaj ne havu konscion, aŭ
eĉ ne scion, pri sia klasa intereso. La ideologia aparato de la sistemo kon-
tribuas al la konservado de ĉi tiu stato de popola senkonscio. La ideologoj
serve de la super-reganta sistemo sufiĉe dominas la psikologian kaj sociolo-
gian sciencojn por scii ke la ksenofoba sento estas profunde enradikiĝinta en
la homa specio. Ĝi estas same antikva, aŭ eĉ pli, ol la specio mem. Ni, la
nunaj loĝantoj de la planedo estas la posteuloj rezultintaj el grandnombro da
genocidoj kaj etnocidoj kiuj okazis sur la planedo dum pli ol miliono da jaroj
konkurante por la rimedoj necesaj por viv-tenado.
Ni sukcesos venki ĉi tiun fatalan destinon, se ni super-regos ĉi tiun arkaikan
senton de nia specio, lernos ke ĉiuj homoj estas fratoj, kaj organizas la homan
kunvivadon kaj la politikan kaj ekonomian administradon de la socio surbaze
de tiu realo. Kaj ankaŭ se la premataj klasoj de la socio konsciiĝos, ke ilia
liberiĝo postulas la liberigon de la tuta homaro, ne la submetiĝon al la
subpremantoj.
Septembro de 2024
138
