Page 188 - heleco

enormajn ekonomiajn malegalecojn. Alivorte, pli malaltaj impostoj tendencas
konservi aŭ pliigi la malegalecon.

La dekstro fervore kaŝas ĉi tiun realon kaj antaŭmetas, ke la civitanoj havos pli
da mono en siaj poŝoj. Estas la bombono, kiun ili proponas por ke oni voĉdonu
favore al ili, sed kion enhavas ĉi tiu bombono? Por laboristo, kiu gajnas 14.000

eŭrojn jare, la imposto-redukto signifus tre malmultajn eŭrojn, dum por persono
kiu gajnas 200.000 ĝi signifus tre konsiderindan sumon.

Aliflanke, la Publika Trezorejo havos malpli da rimedoj. En kio oni rimarkos tion?
Kompreneble, la politikistoj ne malaltigos siajn salajrojn, nek, mi pensas, ke ili multe

malpliigos la militajn elspezojn. La redukto estus rimarkinda ĉefe en la sociaj ser-
voj, la sano kaj la edukado. Ni havus senfinajn atendolistojn en hospitaloj, pli da
pacientoj por kuracisto en unua kuracado kaj, do, malpli da prizorga tempo por
paciento, urboj sen kuracisto... Pli troloĝataj edukaj centroj, kie koncentriĝas la

granda plimulto de lernantoj kun ajna tipo de malfacilaĵo, kun malpli da helpaj
instruistoj kaj malpli da rimedoj, atento al dependeco ĉe la rando de paralizo...

Tion kostus al ni porti kvar pliajn eŭrojn en nia poŝo. Tiuj, kiuj profitus el ĉio
ĉi, estas la sanaj kaj privataj edukaj centroj. La malboniĝo de publikaj centroj

igus kelkajn, eble multajn, elspezi tiun monon el siaj poŝoj -kaj multe pli- en
tiuj privataj centroj.

Ĉu Homo sapiens ?

Laŭ oni diras, la homa specio estis evoluanta ĝis alveni al Homo Sapiens, La

Saĝulo!! Sed rigardante la mondon kreitan de ĉi tiu specio, ni trovas multajn
kialojn por meti la titolon pri sapiens en demando. Mi ne traktos ĉiujn sen-
sencaĵojn, kiujn la homa specio nuntempe faras, de detruado de la medio, kiu

subtenas nin, ĝis kreskigado de klimato de universala konfrontiĝo, kiun ili nomas
konkurenco kaj laŭdire estas tre bona por la ekonomia disvolviĝo. Sen mencii la
brutalan malegalecon, kiu kondamnas bonan parton de la homaro al mizero.

Ne estas dubo, ke tiu ĉi kurso farita de la homaro hodiaŭ estas klare movita de
la kapitalisma sistemo, kiu estas prezentita kiel ekonomia sistemo, sed kiu estas
konstruita sur specifa filozofio kaj antropologio, sur koncepto de la homo kaj la
mondo. La granda sukceso de tiu ĉi sistemo estas, ke ĝi enkondukis en la

socion pensmanieron kaj kulturon, kiuj sukcesas igi nevideblan por granda
parto de la homoj la enorman neraciecon, kiun la kapitalismo enhavas. Kaj
sekve, en la socio amasiĝas serio da frenezaj kaj absurdaj aspektoj, kiuj ŝajnus

al ni neimageblaj en la ordinara vivo de pli-malpli normala homo.

Ekzemple, ĉu ni povas imagi grandan familion, kun limigitaj financaj rimedoj,
kie la patro senĉese instigas la edzinon kaj infanojn aĉeti kaj aĉeti senlime? Kaj

188