Page 5 - taglibro

grandan kvanton da anglaj vortoj rilatantaj al la argoto de tiuj komputiloj. Krom tio,
la formado de novaj ĉiaspecaj entreprenoj, societoj, organizacioj, k.a., okazigis
malfortigon al tiu ne antaŭlonge privilegia cerbo. Johano, kiu kapablis realigi

komplikajn matematikajn ekvaciojn sen ia helpo ke lia cerbo, lia eksterordinara
memoro, finfine devis cedi pro ne kapableco por kontroli parton el tiuj centoj, miloj,
eble milionoj da sigloj de tiom granda nombro da naskiĝitaj societoj. Lia mens-

kapablo tagon post tago difektiĝis. Ne sufiĉis la kuraĝaj vortoj de liaj familianoj kaj
geamikoj. Lia cerbo ribeliĝis, ĝi ne akceptis la novan situacion, for de ĝia kontrolo.
Konsekvence de tio, lia sanstato malpliboniĝis ĝis finfine liaj familianoj decidis
interniĝi Johanon en frenezulejo. Nun, de tempo al tempo mi vizitas mian karan

amikon, kvankvam mi ege suferas vidante lin tiele. Li, bedaŭrinde ne rekonas min,
malgraŭ tio ke mi citas lokojn, situaciojn aŭ anekdotojn de nia infaneco aŭ juneco. Li
nur stulte ripetadis:

APA, ADAPPA, MAPA, EPA, PEPA, ORA, OSPA, OPA, k.a. (1)

(1) Temas pri sigloj de societoj aŭ organizacioj ekzistantaj en Asturio

%%%%%%%%%%%%%%%%%%

SOMERTEMPO

Ĥodiaŭ estas dimanĉo, somertempe. Mi ripozas ĉe l`marbordo de iu malaga strando.

La suno ege brilas kaj varmas. Ĉirkaŭe de mi multege da homoj amasiĝas. Kelkaj
infanoj krias, ridas, serĉas konkojn, konstruas ¨kastelojn aŭ fromaĝojn¨ per kaldron-

etoj, ŝoveliletoj kaj humida sablo; ies gepatroj sunbaniĝas, ĝis tia grado ke iuj el ili

montras sian blankan korpokarnon ruĝiĝantan pro la suna efiko, iuj naĝas en la
trankvilaj mildaj kaj preskaŭ senondaj akvoj de la meditaranea maro, aŭ promenas,

aliaj legas ĵurnalojn, gazetojn aŭ librojn kaj, fine, estas aliaj kiuj interparolas,
aŭskultas muzikon aŭ dormetas.

En la fora disto, kelkaj velŝipoj iras tien kaj reen. Ĉio invitas ĝui la vivon. Ŝajnas

kvazaŭ ĉi loko kie mi ripozas, estus la kerno mem de la Paradizo.