Page 96 - heleco-101
P. 96
Ĝeneral-sence, la termino “bibliologio” signifas la ĝeneralan sciencon pri la libro. Ĝi
okupiĝas pri la studado de la libro el vasta perspektivo, ampleksante ĝiajn historiajn
kaj teknikajn aspektojn, same kiel ĝiajn materialajn, literaturajn, antikvaĵajn, aŭtent-
ecajn kaj meritajn kondiĉojn. Ĝi estas interfaka scienco, kiu povas kombini elementojn
de historio, literaturo, filologio... Sed gravas emfazi, ke kvankam la termino “bibliolo-
gio” rilatas al la ĝenerala studado de la libro, en iuj kuntekstoj, precipe en religiaj me-
dioj, ĝi estas uzata ankaŭ por specife rilati al la studado de la Biblio, ampleksante ĝian
originon, inspiron, kanonecon, kaj teologiajn interpretojn.
Kompreneble, kadre de nia raporto estas tiu-sence ke ni albordas ĉi tiun temon. La
temo estas tre ampleksa kaj ni devas kontentiĝi menciante nur iujn verkojn kaj
aŭtorojn pri ĉi tiu afero, sed nur rilate al la Malnova Testamento, al kiu ni dediĉis
nian raporton:
Enkonduko al la Biblio de Stephen Harris.- Ĉi tiu libro proponas ĝeneralan super-
rigardon pri la formado, strukturo kaj enhavo de la Biblio. Harris esploras la historiajn
kaj kulturajn kuntekstojn kiuj influis la verkadon de la sanktaĵoj.
La Biblio: Enkonduko de Bart D. Ehrman.- Ehrman analizas la procezon de kanonigo,
la diferencojn inter manuskriptoj kaj la teologiajn interpretojn de la bibliaj tekstoj.
Kiel atingis nin la Biblio de Pedro Puigvert.- Ĉi tiu verko fokusas sur la transdono de
la bibliaj tekstoj tra historio, ekde antikvaj manuskriptoj ĝis modernaj tradukoj.
La Biblio kaj ĝiaj interpretoj de Raymond E. Brown.
La Perdita Mondo de la Genezo.- John Walton ekzamenas la kreo-rakonton en la
Genezo el antikva kultura perspektivo.
Teologio de la Malnova Testamento.-Walter Brueggemann provizas teologian ana-
lizon de la Malnova Testamento kaj ĝian nuntempan gravecon.
La Buŝumo de Dio.- Donald Arthur Carson diskutas la interpretadon de la Biblio en
postmoderna kunteksto.
Kiel Legi la Biblion je Ĝia Plena Valoro.- Gordon Fee proponas ilojn por la taŭga
interpretado de la Skriboj.
Enkonduko al la Biblio.- Robert D. Knudsen donas superrigardon pri la historio de
la formado de la biblia kanono, la manuskriptoj kaj la teksta transdono.
96
