Page 109 - heleco-100

homo laŭ ties ebleco. Cetere, la privatigo de la ĝis tiam ŝtata

posedaĵo provizis okazon de riĉiĝo de la altrangaj kaj
influaj funkciuloj de la ŝtata aparato. La kazoj de Boris
Jelcin kaj Vladimir Putin estas tre klaraj tiorilate.

Lenino ne estas libera el respondeco pri tiu evoluo de la tipo
je komunista partiano. Tiu evoluo komenciĝis jam dum lia regad-
etapo. Kiel bona konanto de la historio, kia li estis, li devus

konscii ke tiu evolua procezo estis identa al tiu okazinta en la
kristanaj eklezioj ekde la konsciaj predikistoj de la primitiva
kristanismo ĝis la nuna soldula eklezia klerikaro, kiu vivas kaj
eltiras profiton el la realigo de iu kulto kiu apartigas la homojn

el la liberiga celo de la evangelia mesaĝo.
Li bone komprenis ke la batalon por la socialismo kaj la komun-
ismo oni devas fari ene de la homa menso. La ikonografio pri

li prezentas lin instruante pri politiko al homaj grupoj, grandaj
kaj malgrandaj. Kaj li tre dediĉis atenton ankaŭ al la instruado
pere de gazetoj kiel ISKRA, VPERJOD… same kiel per lia

ampleksa verkaro.
La proceduro estis taŭga, sed Lenino estis obsedita de la ideo
de rapida konkero de la politika potenco per revolucio kiu iĝus

tutmonda kaj ebligus rapidan progreson al tiu ideala celo de
la senklasa socio. Tio estas, li atribuis egan gravecon al la kapto
kaj ekzercado de la politika potenco ĉiakoste, sen rimarki ke,

kun aŭ sen kontrolo de la politika potenco, la antaŭeniĝo al
socialismo ne eblas sen amasa socia akcepto. Kaj tio postulas
edukan agadon kaj atenton al la amasoj pli persistan kaj daŭran

ol la vivo de unu generacio.
Tia persista kaj longdaŭra edukado de la popolaj amasoj devas
esti realigata de ia organizo, kompreneble. Ne gravas ĉu tia orga-
nizo nomiĝus Eklezio, Komunista Partio aŭ alimaniere. L. L.

Zamenhof konceptis tian organizon kiel Esperantista Movado,
sed gravas ne forgesi la internan ideon, kiu devus inspiri kaj

animi la aktivulojn. Temas pri valoroj kiaj solidareco, frateco,
kompato, komprenemo… Forgesis tiujn valorojn la eklezioj kiuj
predikas krucmilitojn kaj organizas inkivziciajn tribunalojn.
Kaj same preteratentas tiujn valorojn la komunistaj organizoj,

stalinistaj aŭ ne, kiuj kalkulas je perforto por alfronti la pro-
blemojn eksterajn kaj internajn. Ĉiuj devas lerni ke la celo ne
pravigas ĉiutipajn rimedojn. La celo al kiu Lenino dediĉis sian

vivon meritas plenan apogon, kaj lia sperto provizas utilan ins-
truon por perfektigi la agadon.

109