Page 8 - heleco-100
P. 8
La senracieco de tiom da mortoj en Palestinio, post tiuj okazintaj en Israelo, kaj tiuj
kiuj okazas en la milito en Ukrainio kaj en aliaj militoj en la mondo, laŭvorte
detruas nin ĉiujn, kiuj estas sentemaj al homa doloro. Krome, la nuna sufero devas
aldoniĝi al tiu, kiun ni jam havis pro ĉiuj aliaj perfortoj kiuj doloris nin ĉiutage, inter
kiuj elstaras pro sia multenombro la morto de ĉiuj kiuj serĉas novajn horizontojn en
aliaj landoj kaj falas survoje aŭ en la akvoj de la maroj kiuj ĉirkaŭas nin. Ni devas
ne lasi senmencie kaj senkondamne la seksisman perforton, ĉefe kiam la viktimoj
estas infanaĝaj.
La espero marŝi al pli bona estonteco ŝanceliĝas, ĉar ni ne povas ĉesi pensi ke la per-
forto ĉiam manifestiĝas spirale. Estas multaj tiuj kiuj vane petas ke haltu tiom da ho-
roro. Ankaŭ la papo Francisko unuiĝis al tiuj voĉoj petante tion nome de Dio, sed liaj
vortoj estas sufokataj de la fiero aŭ ambicio de la potenculoj kaj restas senutilaj.
Ni aldoniĝas al la krio de tiuj kiuj ĉiam defendis la pacon. Antaŭ ĉio, ni, ekde nia
preskaŭ nula graveco, daŭre diras NE al tio ke tiom da homoj estas mortigitaj aŭ
vunditaj, NE al tiom da detruitaj hejmoj, NE al rifuĝejoj kaj delokigoj al aliaj
landoj, NE al ĉiuj militoj, NE eĉ al la ekzisto mem de armiloj, kaj ofensivaj kaj
defensivaj, NE al ĉiuj militestroj, NE al tiuj kiuj riĉiĝas per ili, NE al tiuj kiuj
sekrete tiel kruele manipulas la fadenojn de nia historio, senzorge pri la homa
sufero. NE al ajna perforto.
Ni ne eniros en la politikajn problemojn, ĉiuj tre kompleksaj kaj eble malfacile solv-
eblaj. Tio, kion ni ja volas estas reaserti la rajton kiun ni ĉiuj havas vivi en paco kaj
diri ke la konfliktoj ĉiam devas esti solvataj per dialogo inter la implikitoj. Tial, ni ne
pensas ke la plej bona solvo por la estonteco de landoj de la tuta mondo, Eŭropa
Unio kaj Hispanio estus pliigi elspezojn por krei pli potencajn armeojn. Kio
devas esti plifortigata estas ia leĝaro kiu protektu pacon kaj organizojn agnosk-
itajn de ĉiuj, kiuj devigu plenumi ĝin en la tuta mondo.
Ni bedaŭrus se pravus tiu aserto ke inter la perdantoj de ĉi tiuj militoj estos la
ekologia kaj socia transiro, kiu estis ĉe la avangardo de la tagordo de la Eŭropa
Unio, tranĉante la elspezojn ĉi tie por dediĉi ĝin armi nin. Ni kredas, ke prizorgi
la homojn kaj la naturon kaj ripari la damaĝojn kaŭzitajn al ili estas pli urĝe kaj
necese ol la militaj elspezoj.
Majo de 2024
Foro de cristianos Gaspar García Laviana
8
