Page 9 - heleco-100

Nia ĉeftemo
N Ni ia a ĉ ĉe ef ft te em mo o

Jen la 100-a numero de Heleco. Nia revuo de Astura Esperanta Asocio sufiĉe
evoluis ekde ĝia apero en julio de 1976. Laŭlonge de la sinsekvaj etapoj de ĝia

eldonado ŝanĝiĝis la nombro da ĝiaj paĝoj, la ofteco de ĝia apero, la pritemataj
aferoj… La lastaj numeroj de la revuo aperas unufoje en la jaro, estas pli ol cent-

paĝaj kaj ĝia enhavo rilatas al iu konkreta temo. Ĉiu revua numero havas sian
specifan ĉeftemon, ĝenerale en rilato kun iu ajn persono aŭ afero kies centjaro
koincidas kun la eldono de la revua numero. Tiele, interalie, ni dediĉis nian atenton

al la Franca Revolucio en ties dujarcenta datreveno, al la Unua MondMilito en la
centjaro de ties komenciĝo, al la propra centjaro de nia E-Asocio…
Por ĉi tiu jaro 2024 ni povis elekti inter ampleksa aro da eblaj temoj pli malpli

interesaj: estas la 750-jariĝo de la morto de la teologo Sankta Tomaso de Akvino,
la 50-jariĝo de la rezigno de Richard Nixon al la usona prezidanteco kaj la morto de
la politikisto U Thant, la 150-jariĝo de la naskiĝo de Winston Churchill… Fine

altiris nian atenton la fakto que 2024 estas ankaŭ la jarcenta datreveno de la morto
de Lenino, Vladímir Ilích Uliánov (Владимир Ильич Ульянов en la rusa lingvo),
fam-konata per lia kromnomo: Lenin. Kio efikis sur nia decido? Unue surprizis nin la

fakto ke pri Lenino ekzistas senkompare multe pli granda dokumentaro ol pri ĉiuj
aliaj menciitaj temoj. Kaj ne nur tio, estas ankaŭ la fakto ke tiom abunda inform-
materialo konstituas kontraŭfrontiĝon inter simpatiantoj, admirantoj de Lenino unu-

flanke, kontraŭ abomenantoj, misfamigantoj de tiu persono aliflanke.
Pli atenta rigardo helpas nin konstati ke la aprobo kaj abomeno al Lenino rilatas

ne tiom al lia persono sed, kompreneble, al lia agado, sed ĉefe al la ideo, la celo,
kiu inspiris tiun agadon, t. e. la Komunismo. Temas, do, pri kontraŭstaro, polemiko,
inter la partianoj kaj la malamikoj de ideo, pli ĝuste, idealo. Ŝajnas ke tiu ide(al)o
tre vekis simpation en iuj homoj kaj rifuzon en aliaj laŭlonge de la historio.

9