Page 187 - heleco-96

Page, kun kiu Stefano amikiĝis en Caltech, alvenis por labori kiel la dumviva
studenta asistanto. Kun la helpo de Page kaj tiu de sekretario, la respondecoj
de Jane reduktiĝis tiel ke ŝi povis reveni al sia doktoreca tezo kaj al sia nova
intereso pri kantado. En decembro de 1977, Jane konis la orgeniston Jonathan

Hellyer Jones kiam ŝi kantis en preĝeja koruso. Hellyer Jones fariĝis proksima
al la familio Haŭkingo, kaj meze de la 1980-aj jaroj, li kaj Jane disvolvis ro-
mantikajn sentojn unu al la alia. Laŭ Jane, ŝia edzo akceptis la situacion, de-

klarante ke li ne kontestos dum ŝi ankoraŭ amus lin. Jane kaj Hellyer Jones
decidis ne disigi la familion, kaj ilia rilato restis platona dum longa tempo.
En la 1980-aj jaroj, la geedzeco de Haŭkingo estis streĉita dum multaj jaroj.

Jane sentiĝis superfortita per la entrudiĝo en ilian familian vivon de la bezon-
ataj flegistinoj kaj helpantoj. La efiko de lia famo estis malfacile eltenebla por
kolegoj kaj familianoj, dum la perspektivo vivadi laŭ bildo de monda fabelo

estis timiga por la paro. La vidpunktoj de Haŭkingo pri religio ankaŭ kontrastis
kun ŝia forta kristana fido kaj okazigis streĉiĝon. Post trakeotomio kiun oni
devis fari al li en 1985, estis al Haŭkingo necesa flegistino dum la tuta tago kaj
ĉiutage, la flegado estis organizita laŭ tri deĵoroj ĉiutage. Fine de la 1980-aj

jaroj, Haŭkingo sentis altiron al iu el siaj flegistinoj, Elaine Mason, por la
konsterniĝo de iuj kolegoj, prizorgantoj, kaj familianoj, kiuj estis ĝenitaj de ŝia
forto de personeco kaj protekteco. En februaro 1990, Stefano diris al Jane, ke

li forlasos ŝin por Mason, kaj forlasis la familian hejmon. Post lia eksedziĝo el
Jane en 1995, li edziĝis al Mason en septembro, deklarante, «Ŝi estas mirinda -
mi edziĝis al la virino, kiun mi amas». Poste Jane edziniĝis al Hellyer Jones.
En 1999, Jane publikigis memoraĵon, Music to Move the Stars (Muziko por

Movi la Stelojn), priskribante ŝian geedziĝon al Haŭkingo kaj ilian disiĝon.
Ŝiaj riveloj kaŭzis senton en la amaskomunikilaro sed, laŭ lia kutima praktiko
rilate al sia persona vivo, Stefano ne faris publikan komenton krom diri ke li ne

legis la biografiojn pri li. Post lia dua geedziĝo, la familio de Haŭkingo sentis
sin ekskludita kaj marĝenigita de lia vivo. Dum proksimume kvin jaroj en la
fruaj 2000-aj jaroj, lia familio kaj personaro pli kaj pli maltrankviliĝis, ke li

estis fizike mistraktita de Mason. Policaj enketoj okazis, sed estis fermitaj ĉar
li rifuzis fari plendon. En 2006, Haŭkingo kaj Mason trankvile eksedziĝis, kaj
li rekomencis pli proksimajn rilatojn kun Jane, liaj gefiloj kaj nepoj. Pripens-

ante ĉi tiun pli feliĉan periodon, reviziita versio de la libro de Jane, retitolita
«Vojaĝado al Senfino: Mia Vivo kun Stefano», aperis en 2007, kaj oni faris
pri ĝi la filmo, «La Teorio de Ĉio», en 2014.
Post la jaro 2000 Haŭkingo daŭre verkis por la ĝenerala publiko, konkrete en

2001 aperis The Universe in a Nutshell (La Universo ene de nukso-ŝelo) kaj
en 2005 kunverkite kun Leonard Mlodinow, A Briefer History of Time (Pli mal-
longa historio de la Tempo), por ĝisdatigi siajn pli fruajn verkojn kun la celo igi

ilin alireblaj al pli ampleksa publiko, kaj en 2006, Dio Kreis la Entjerojn.

187