Page 132 - heleco-97

La itala verkisto Umberto Eco (1932-2016) naskiĝis dum la faŝista diktaturo de
Mussolino. Do, infanaĝe li estis subinflue de la eduk-sistemo de la faŝismo, sed

male ol multaj homoj de lia generacio, kiuj neniam liberiĝis el tiu ideologia in-
fluo, li sciis racie reagi kontraŭ la teoria bazo de tiu politika monstraĵo. Kelkaj
el liaj verkoj respegulas lian rifuzon al la faŝisma doktrino kaj al la politikaj siste-

moj bazitaj sur ĝi. Por la celo de nia studo pri la faŝismo interesas prikonsideri
lian difinon pri la temo, kiun li faras per lia verko «La eterna faŝismo». Li pre-
zentas dek-kvar simptomojn kiuj karakterigas la faŝismon. Ni resumas ilin:

1) Kulto al la tradicio: «La vero estis jam anoncita unufoje por ĉiam».
2) Neracieco: La nazia ideologio baziĝis sur la sango kaj la tero (bazaj elementoj de
ĉiuj naciismoj). La faŝisma emo al neracieco rifuzas la spiriton de la klerismo kaj de
1789, «Deklaracio de la Homaj kaj la Civitanaj Rajtoj»...
3) Pensi estas maniero kastri: la faŝismoj kultas la agadon pro ĝi mem. La agado belas

per si mem kaj, do, oni devas agadi senpripense. Pensi estas ia formo de kastriĝo.
4) Senkritika sinkretismo. «La malakordo estas perfido». Neniu formo de sinkretismo
povas akcepti kritikan pensadon. La kritika spirito faras distingojn, kaj distingi estas
signo de moderneco. En la moderna kulturo, la scienca komunumo, la malkonsento
estas ilo por progresigo de scioj. Por la faŝismo malkonsento estas perfido.
5) Rasismo: Malkonsento ankaŭ estas signo de diverseco. La faŝismo kreskas kaj
serĉas konsenton ekspluatante kaj pligravigante la naturan timon al diferenco. La
unua alvoko de faŝisma movado estas kontraŭ entruduloj. La faŝismo estas, do,
rasisma laŭdifine.
6) Minacita burĝaro: faŝismo ekestiĝas de individua aŭ socia frustriĝo. Kio klarigas
kial unu el la tipaj karakterizaĵoj de historia faŝismo estis la alvoko al la ĉagrenitaj
mezaj klasoj, malkuraĝigitaj de iu ekonomia krizo aŭ politika humiligo, timigitaj de
la premo de subalternaj sociaj grupoj.
7) Naciismo: Al tiuj, al kiuj mankas ia socia identeco, la faŝismo diras al ili, ke ilia
sola privilegio estas la plej vulgara el ĉiuj: esti naskiĝintaj en la sama lando.
132