Page 157 - heleco-97
P. 157
indas ke tiam li ŝanĝis sian nomon alprenante tiun de la nobela familio Lanz
von Liebenfels. Iuj supozas ke lia simulata aparteno al tiu familio celis kaŝi judan
devenon de lia patrino.
Post lia forlaso el la monaĥejo; Lanz verkis kontraŭ la jezuitoj kaj pri antropolo-
gio, arkeologio kaj historio rilate al la arja raso, kaj kontaktis kun tut-germanismaj
kaj kontraŭ-judaj rondoj. Li venis al la konkludo ke la arja raso malfortiĝas inter-
miksante sin kun la “malalta raso” de tiuj kiujn li nomis “simioj”. Do li pledadis
por eŭgeniko, kiun li nomis “rasa higieno”, kio postulas senkondiĉan submetiĝon
de la arjaj virinoj al la viroj ĉar, laŭ li, la arjaj inoj sentas egan altiron kaj tre estas
pretaj koiti kun tiuj simioj de la malaltaj rasoj. Ja, ŝajnas evidente ke li spertis ian
elreviĝon en siaj rilatoj kun virinoj. Tiuj sentoj kaj ideoj konstituas lian teorion de
la «teozoologio», ia miksaĵo de rasismo, kontraŭ-judismo, kontraŭ-katolikismo kaj
kontraŭ-socialismo, teorio pri kiu li havis multajn sekvantoj de tiam. Li interpretis
la Malnovan Testamenton de la Biblio sub la lumo de tiu teozoologio kaj asertis
ka la Falo konsistis en tio ke la arjoj, origine diaj, intermiksiĝis kun bestoj kaj el tio
rezultis la malsuperaj rasoj, kiuj minacas la legitiman rajton de la arjoj, ĉefe en
Germanio, kie la arjoj estis pli multenombraj ol aliloke. Laŭ li, la vera religio estas
teni puraj la restaĵojn de la arja raso.
En 1900 Lanz fondis sian propran religian ordenon, la Ordo Novi Templi (No-
va Templana Ordeno) kiu pretendis esti unuiĝo de german-aŭstroj konsciaj pri la
raso celante la belecon de la arja raso kaj apogi la koloniismon. Nur arjaj viroj po-
vis membri en tiu ordeno; komence ĝi alprenis la liturgion, insignojn kaj hierarkia
strukturo de la cistercianoj. Dum la jaroj ĝis 1938 li fondis kelkajn priorejojn de
tiu ordeno ne nur en Aŭstrio kaj Germanio sed ankaŭ en aliaj lokoj kie ekzistis
germanaj etnaj minoritatoj, ĉefe en Hungario. Alia iniciato de Lanz, serve de
lia obstina celo, estis la revuo Ostara publikigita ekde 1905. Tiu revuo estis la
presorgano de tiuj «arjosofio» kaj «teozoologio» pri kiuj doktoris Jörg Lanz von
Liebenfels. En 1917 estis jam publikigitaj 89 numeroj de tiu revuo. Ĝi havis
grandan sukceson de disvastiĝo; oni scias ke dum iom da tempo Hitlero havis
kolekton de numeroj de Ostara. Tiu termino estas la nomo de iu diino de la an-
tikva germana mitologio; ja, iu trajto de la tut-germanismo estis la intenco rehavi
la antaŭ-kristanan kulturon de la lando. Oni pripolemikas ĉu Hitlero estis in-
fluita de Lanz von Liebenfels. Plurfoje la naziista lidero esprimis antipation al la
ariosofo kaj, fakte, estis li kiu malpermesis kaj nuligis la Templanan Ordenon
de Lanz. Ĉiukaze, ĉu Lanz influis aŭ ne sur Hitlero, estas evidenta ke iliaj
komunaj tut-germanismo, rasismo, kontraŭ-feminismo, kontraŭ-judismo kaj kontraŭ-
socialismo respondis al sentoj amplekse disvastiĝintaj en Centra Eŭropo ekde la
19-a jarcento.
Kiuj, jes ja, influis sur Hitlero, kaj krome li mem agnoskis tion, estis Leopold
Pötsch kaj la usona entreprenisto Henry Ford. Leopold Pötsch estis aŭstra pro-
fesoro de historio de Adolf Hitler kaj influis sur ĉi ties politikaj ideoj. Pli
157
