Page 67 - heleco-99

Kiu ajn estus la kalendaro de Mas por avanci al la sendepend-

eco, la aferoj akceliĝis ekde la momento kiam la Generalitat
estis pelita de la CUP kaj la bazoj de ANC kaj Òmnium
Cultural. Laŭ la vortoj de iu komentisto, la procezo havis nek
stirilon nek bremsilojn. En reprezalio pro tio ke Artur Mas estis

aplikinta politikon de reduktado de sociaj rajtoj, la CUP rifuzis
subteni lian enoficigon kiel kataluna registrar-prezidento kaj
postulis ke Junts pel Sí prezentu alian kandidaton. Tiel do, Mas

estis anstataŭigita en januaro de 2016 per la iama urbestro de
Ĝirono, Carles Puigdemont. En la kongreso de Convergència
en julio de 2016, estis decidite ŝanĝi la nomon de la partio, pro

la damaĝo kaŭzita de la malkaŝo en 2014 de la korupt-skandalo
rilate al la riĉaĵo kaŝita de Pujol en diversaj impostaj paradizoj
kaj la rompo en 2015 kun Demokratia Unio de Katalunio. Post

longa intertraktado, en septembro de 2016 la partio iĝis la Partit
Demòcrata Europeu Català (PDeCat). En januaro de 2017,
kiam li estis juĝota pro okazigo de la kontraŭleĝa konsulto
de 2014, Artur Mas eksiĝis kiel prezidanto de la PDeCat

por koncentri sin en sian defendon. Li estis trovita kulpa je
malobeo kaj deliktado kaj kondamnita al du jaroj da mal-
kvalifiko por plenumado de ŝtatofico, kaj ankaŭ pagi al la

publika fisko la kostojn de la referendumo.
Dume, en la cetero de Hispanio, la publika indigno pro la skan-
dalo de Bankia pliiĝis kiam oni sciis en oktobro de 2014
ke, inter la jaroj 2003 kaj 2012, la administrantoj de Caja

Madrid kaj Bankia ĝuis la uzon de “nigraj” kreditkartoj uzataj
por fiske malklaraj personaj elspezoj, entute 15,5 milionoj da
eŭroj. Aldone al salajroj kaj elspezoj ligitaj al ilia profesia

agado, la kartoj estis uzitaj por vojaĝado, libertempa agado,
vestaĵo, kaj monenspezoj. Ekzemple, Rodrigo Rato elspezis
54.800 eŭrojn kaj Miguel Blesa, eksprezidanto de Caja Madrid,

436.700 eŭrojn. En februaro de 2017, sesdek kvin membroj
de la estraroj de direktoroj de ambaŭ bankoj estis kondamnitaj
al totalo de 120 jaroj en malliberejo, kun Blesa ĉe la pinto

de la listo kun ses jaroj, sekvita de Rato kun kvar kaj
duono jaroj. Blesa memmortigis en julio de 2017.
La krizo en Katalunio, malgraŭ ĝia kreskanta severeco, ne kreis
la alarmon pro la fakto ke la atento de la amaskomunikiloj estis

koncentrita sur la rilato de la ŝtatestro kun korupto. La tabuo,
kiu kutime malhelpis la publikan kritikon kontraŭ la monarkio,
ĉesis funkcii post la jaro 2007. Fakte, la ekonomia krizo kaj la

67