Page 64 - heleco-99

Ni ripetas ke, kvankam nia celo estas trakti la temon de la korupto en Hispanio, por
pli bona kono de la historiaj cirkonstancoj en kiuj ĝi okazas, ni devas ankaŭ pri-

atenti la fonon aŭ politikan medion en kiu koruptado okazas.
La kresko de la sendependisma movado en Katalunio ekrapidiĝis kiam, post sia ega
balota venko de novembro de 2011, la Populara Partio pliseverigis la ĝermantan

katalunisman krizon kunigante politikojn de recentralizado kaj severeco, kiuj igis ke
la Generalitat tranĉu elspezojn por publikaj servoj, ĉefe sano kaj edukado. La sen-
laboreco estis ĉe la origino de multaj eldomigoj. Kadre de la mobilizoj tiorilate, la
Assemblea Nacional Catalana (ANC) estis kreita en marto de 2012, enkanaligante tiujn
sociekonomikajn plendojn cele premadi por referendumo pri la plena sendependeco de

Katalunio. La ekonomiaj cirkonstancoj instigis la kreskon de la sendependisma sento.
La senlaboreco pliiĝis kiel rezulto de la severa politiko de Artur Mas, kun la subteno
de la kataluna PP. Por kompensi la sekvan perdon de populareco, Artur Mas alprenis

pli agreseman tonon substrekante la neproporcian naturon de la fiska kontribuo de Kata-
lunio al la hispana ekonomio, tial li pliintensigis sian separisman retorikon. La 11-an de
septembro, en la Diada de tiu jaro, pli ol miliono da personoj manifestaciis favore al
sendependeco sub la slogano “Catalunya, nou estat d’Europa” (“Katalunio, nova ŝtato
de Eŭropo”). Mas intencis intertrakti fiskan pakton kun Madrido sed, antaŭ iu kunveno

antaŭvidita por la 20-a de septembro, Rajoy provoke deklaris, ke tiam ne estas la
tempo por “tumultoj, konfliktoj, polemikoj kaj disputoj” konsiderante la kvanton de
la ŝuldo de Katalunio kaj ties sep-cent-mil senlaboruloj. Tio estis vidita en

Barcelono kiel incendia faro ĉar la Generalitat taksis ke Katalunio bezonis peti kvin
miliardojn da eŭro-savpakaĵo ĝuste ĉar, ekde la verdikto de la Konstitucia Tribunalo
en 2010, la komunumo estas trafita de financa sistemo kiun en Katalunio oni
konceptis kiel maljustan. Kiam la kunveno okazis, Rajoy tute ekskludis ajnan
eblan ŝanĝon en la fiska rilato.

64