Page 65 - heleco-99

Artur Mas respondis al la rifuzo de Rajoy plifortigante la

ligojn de sia partio, CiU kun la sendependistoj de ERC kaj
kun la ekologiisma maldekstro de Iniciativa per Catalunya
Verds. La popola subteno al plena sendependeco pliiĝis.

La 27-an de septembro, CiU aldoniĝis al ERC kaj ICV por
subteni postulon de referendumo pri la sendependeco de
Katalunio kaj Mas kunvokis anticipitan balotadon en Kata-

lunio. En la kampanjo por tiu regiona balotado la 28-an de
novembro 2012, la konservativa partnero de Artur Mas, Josep
Antoni Duran i Lleida, gvidanto de la kristandemokrata
partio Unió Democràtica de Catalunya (UDC), esprimis

sian indignon pro la rifuzo de Rajoy negoci fiskan pakton
en la kunteksto de la korupteco de la PP per jenaj vortoj:

«l'Estat és una claveguera» («la Ŝtato estas kloako»).
Tamen, la intensiĝo de la sendependismo de Mas igis lin
perdi la subtenon de anoj de lia partio malfavoraj al la
apartigo de Hispanio. La nombro de parlamentaj sidlokoj

de CiU falis de 62 al 50, dum ERC gajnis 21 (11 pli ol en
2010) kaj ICV, 13 (3 pli). La plej radikala separisma
formacio, la Candidatura d’Unitat Popular (CUP), kon-

servis siajn tri sidlokojn. Kune, la ensembla voĉdono de
CiU, ERC, ICV kaj CUP altiĝis de 85 al 87 sidlokoj. Mas
estis ĵurkonfirmita kiel prezidanto la 19-an de decembro

de 2012, post subskribo de interkonsento kun la aliaj du
formacioj menciitaj kiu inkludis la engaĝiĝon fari publikan
konsulton pri la estonta statuso de Katalunio.

Malgraŭ avertoj de la Konstitucia Tribunalo, laŭlonge en
2013 la naciismaj partioj daŭrigis la preparojn por referendumo
pri sendependeco okazonta en novembro de 2014. Kiam la
propono okazigi ĉi tiun referendumon estis prezentita al la

Hispana Kortumo, en aprilo de 2014, ĝi estis venkita per 299
voĉoj kontraŭ 47. La sendependismaj partioj en la Kataluna

Parlamento tiam redaktis leĝon, kiu permesus okazigi ne-
referendumajn konsultojn. Rajoy reagis apelaciante la leĝon
al la Konstitucia Kortumo, kiu malpermesis la konsulton.
Mas respondis per la ruzo deklari ke temis pri civitana

konsulto administrita de volontuloj. Fine, la 9-an de
novembro, la tagon de la referendumo, la partopreno estis nur
37 elcento el la voĉ-donantaro, kio respegulas la fakton ke

multaj laboristaj katalunoj estis de hispanlingva enmigrint-

65