Page 8 - heleco-99

Ni devas lerni el la historio kaj memori, kio okazas, kiam la
reakciaj fortoj, kiuj kolektiĝas ĉirkaŭ karismaj gvidantoj, rajtas
regi la stratojn kaj la instituciojn kaj donas al ili absolutan po-
tencon, kiu nuligas la civitanan suverenecon. Senhezite ni devas
postuli ke la ŝtato, kiu reprezentas ĉiujn, regu favore al ĉiuj kaj

ne serve de la multnacifirmaoj kaj la internacia financa sektoro.
Ni devas reagi kontraŭ la nova faŝisma florado.
Per iliaj fruktoj vi konos ilin. (Mateo 7:16). La sistemo, la mastroj
al kiuj servas la karismaj lideroj de la faŝismo, dank’ al la
nescio de ties sekvantoj kaj voĉdonantoj, produktis kaj subtenas la
ĥaosan mondon kiun ni kontemplas fine de la jaro 2023 p. K.:
Temas pri klasista sistemo: laŭ sia propra naturo ĝi estas maljusta
kaj perforta; ĝi privilegias kelkajn sociajn klasojn malprofite
de aliaj, kiujn ĝi subpremas kaj ekspluatas. Neniu povas ignori,
ke la homa historio estas la klasbatalo inter premantoj kaj prem-
atoj, riĉuloj kaj malriĉuloj, ekspluatantoj kaj ekspluatatoj...
La bazo de ĉi tiu klassistemo, unu el la radikoj de la malbono,
kiu superfortas la homaro estas la privata proprieto. La profitantoj
de la sistemo diras ke la privata proprieto estas homa rajto, sed
plejmulto el la homaro posedas nenion. Ĝi ne estas rajto sed pri-
vilegio ĉar ĝi estas ĝuata nur de minoritato kaj en tre malegal-
eca maniero; la rajtoj estas universalaj kaj egalecaj, sed la kapital-
ismo konstruis mondon kun grandaj diferencoj kaj ekskludoj.
La supervivo de tia katastrofa sistemo baziĝas ankaŭ sur la ne-
scio de la subprematoj kaj senposeduloj. Antikva hindua proverbo
diris: Se du regnoj estas en milito kaj unu el ili ne scias tion, la alia
havas ĉiun ŝancon por venki. Nu, alia radiko de la malbono, kiun
ni suferas, estas la nescio de la viktimoj de la sistemo. La amaso
de la senposedantoj ne scias aŭ ne volas scii kio estas klas-
batalo. Ili ne konas aŭ ne volas koni la imponan forton, kiun ili
havas, kaj ili donas elektan subtenon, politikan potencon, al
siaj klasaj malamikoj, al la politikaj lakeoj de la reganta klaso,
kiuj defendas la interesojn de la ekspluatantoj. La potenco de la
mondo apartenas al la gigantoj de la financo, bankaro, kapitalo...
ili estas la komercistoj, la sola personaro, kiun Jesuo forpelis el
la Templo, kiujn li akuzis, ke li igis ĝin kaverno de ŝtelistoj. Nun
la kaverno de ŝtelistoj kovras la tutan planedon, ĉar mankas al la
homoj la lucideco forigi tian abomenindan personaron.
Oni pensas ke la “homo sapiens” aperis antaŭ 200.000 jaroj aŭ
eĉ pli. Dubindas ĉu oni povas konsideri “sapiens” iu specio kiu
post tiom longa tempo ne kapablis solvi siajn problemojn de
kunvivado. Oni scias pri militoj kaj ĉiutipaj interhomaj konfliktoj
laŭlonge de la historio, kaj sendube ili ekzistis ankaŭ en la

prahistorio. Ĉu por ĉiam pludaŭros la malsaĝeco kiu okazigas
tiom da homa doloro? Nutras la pesimismon la penso ke la
problemo ne estas nur manko je saĝeco sed plej verŝajne
manko je homa solidareco, empatio, frateco...
8