Page 122 - heleco-100

Artikolo publikigita en aprilo de 2004 en la revuo:

Hodiaŭ, pli ol jardeko post la disfalo de la komunistaj reĝimoj de Orienta Eŭro-
po, ni disponas je ia perspektivo por analizi la sekvojn de tiom grava evento kaj
la signifon de la titolo “komunista” en la mondo rezultinta el tiu ŝanĝo.

Unue, ni devas rimarkigi tion ke nuntempe ne ĝuas prestiĝon en la mondo tiu
titolo. Ni prikonsideru ke, ekzemple, kelkajn jarojn post la Dua MondMilito, Pio la

12a, tiama Papo de la RomKatolika Eklezio, iniciatis la kreadon de organizaĵo kia la
KLJ (Katolika Laborista Junularo, hispane JOC) por enkadrigi en ĝi la junulojn
kun aspiroj pri socia justeco kaj egaleco, kaj tiamaniere depreni klientaron el la

tiam florantaj komunistaj organizaĵoj. Nu, okazis ke dum la sekvintaj jardekoj
multe disvolviĝis kaj prosperis en Eŭropo tiuj KLJ-organizaĵoj kaj tamen dume
floris kaj prosperis ankaŭ la komunistaj junularaj organizaĵoj. Male, hodiaŭ, tiel la

katolikaj organizaĵoj de la laborista junularo kiel la komunistaj organizaĵoj (junul-
araj aŭ ne) estas feblaj kaj kun malmultenombra membraro. Alia ekzemplo: kiam
restariĝis en Hispanio la demokratio post la jaro 1977, en la tiamaj politikaj balot-

adoj konkuris la Komunista Partio de Hispanio kun (kontraŭ) la ceteraj politikaj fortoj
de la lando, kaj tiam vidiĝis stranga afero: krom la menciita Kom.Partio estis en tiuj

balotoj ankaŭ preskaŭ deko da parti(et)oj kiuj nomiĝis “komunistaj” kaj portis kiel
emblemon en la voĉdoniloj la klasikan bildon de la martelo kun la serpo. Oni
povas facile konjekti ke tiuj kom.parti(et)oj pri kies agado kaj ekzistado oni sciis

apenaŭ ion, estis artefaritaĵo de la mastroj de la sistemo por konfuzi kaj disigi la
komunistan voĉ-donantaron. Nu, hodiaŭ jam ne plu aperas en la balotoj tiuj fantomaj
komunistaj organizaĵoj ĉar ili jam ne plu estas necesaj al la sistemo por tiu celo

tial ke la Komunista Partio mem ne prezentiĝas kun sia nomo kaj sia emblemo en
la balotojn. Tiu Kom.Partio kaŝiĝas nun sub la sigloj de koalicio IU pro tio ke la
komunista identiĝo alportas malprestiĝon en la nuntempa socio.

122