Page 124 - heleco-100

intaj kaj ekspluatataj landoj. Ĝi utilas ankaŭ por ideologie pravigi la kreskantajn

klasajn malekvilibrojn kaj malegalecon mondskale. De tiu vidpunkto, la tutmondiĝo
estas ideologio disvastigata de liberkomercistoj celantaj detrui la komfort-sistemon
kaj malpliigi la sociajn elspezojn de la ŝtatoj. Resume, tiu ideologio konstituas en-
konduk-procezon de la usona stilo en ĉiuj sferoj de la homa vivo: politika, ekono-

mia, socia, jura, kultura, ekologia... Tiele la tutmondiĝo iĝas aŭtonoma, memstara ideo-
logio: “la historio de la venkintoj raportita de la venkintoj mem”. Trafa elmontro de tio

estis, ekzemple, la diskursoj prononcitaj en la ĵusa funebraĵo de la usona eks-
Prezidento Reagan. Temas pri tutekonomia kaj unukultura ideologio serve de parti-
kulara grupo, kiu startigas novan procezon de hegemonia superregado aŭ koloniigo,
pli kaj pli intensa, je tutplaneda skalo, kiu sukcesas anstataŭigi la suverenecon de la

naciaj ŝtatoj per la novaj transnaciaj entreprenoj kaj ĉi ties financaj meĥanismoj,
kaj altrudi globalan kulturon nuligantan lokajn kulturojn kaj diversecon.
Fakte, tiu ideologia koncepto de la tutmondiĝo estas vera milito favore al la

kapitalo, kiu submetas nin al ia nova diktaturo de la mondnivela merkato
domaĝante la sociajn, kulturajn, solidarajn kaj egaligajn strukturojn de la modernaj
demokratioj. Tiorilate ni ne travivas nun iun novan ekonomian ordon universalan

sed iun novan ekonomian malordon sub la senmoralaj leĝoj de la merkato, kiuj
generas veran ekonomian militon de ĉiuj kontraŭ ĉiuj. Ĝi konstituas alian fazon de
la historia evoluado de la kapitalismo en la monda sistemo, ebligita de la disfalo

de la komunistaj reĝimoj kaj de la uzado de la novaj instrumentoj de la globala tek-
nologio fare de la nuntempaj posedantoj kaj demarŝantoj de kapitalo, kapitalo mond-
skala, difuza, fleksebla, sennoma, sen nacia enradikiĝo sed pli kaj pli forta, ne-

kontrolebla kaj neregulebla de la institucioj kaj de la politiko. Ĉio ĉi ebligas la
tutplanedan disvastiĝon de la grandaj transnaciaj entreprenoj, veraj privataj burokrat-
aroj domaĝe al la publikaj, ŝtataj burokrataroj, ĉefe tiuj de la malfortaj kaj malriĉaj

landoj. Tiuj transnaciaj firmaoj kontrolas nuntempe pli ol triono el la industria tut-
monda produktado. Ili estas la veraj protagonistoj de la globala kapitalismo: ilia
ekonomia kaj produktiga agado falas for de ĉiutipa politika aŭ financa kontrolo poli-

tika aŭ demokratia de la naciaj ŝtatoj; ili povas organizi kaj okazigi gravajn agresojn
kontraŭ la homaj rajtoj en la socia, ekonomia kaj ekologia terenoj.
La politika, jura kaj ekonomia agado de tiuj “privataj burokrataroj”, pravigitaj de

la sanktigado de la libera merkato, konstituas ian tutmondiĝon sen demokratio, kiu
altrudas —eĉ super la sociaj decidoj demokratie intertraktitaj de la ŝtatoj— modelojn
de sociekonomia regulado kiel eble plej avantaĝaj por siaj partikularaj interesoj. Tio
signifas la ekzistadon de absolutaj potencoj sen civitanoj, la privata burokrataro ne

havas civitanojn sed nur klientojn. Ĉi tio signifas la ekzistadon de grava demokratia
manko inter la demarŝantoj de la tutmondiĝo, la grandaj transnaciaj korporacioj,

la Internacia Mon-Fonduso kaj la Prikomerca Tutmonda Organizo, kiuj pli kaj pli
restas for de la demokratia kontrolo de la civitanoj, kaj tamen, dume, pli kaj pli
kapablas efike kondiĉigi la publikan opinion pere de la monopolo de la amas-

124