Page 129 - heleco-100

Opini-artikolo de Julio Casas Delgado, instruisto kaj
kolumnisto en la gazeto CASTILLA-LA MANCHA.

Ni ofte uzas la adjektivon “barbaro”. Tamen, tiu termino povas havi tre
malsamajn signifojn. Ĝi povas signifi: furioza, kruela, malhoma; aŭ: neklera,
malĝentila. Kaj ankaŭ, en figura senco, ĝi povas esti komprenata kiel:

impona, eksterordinara, grandioza. Mi kredas, ke en ĉiuj tri sencoj ĉi tiu
termino povas esti aplikata al la kapitalismo.

Ne estas dubo ke ĝi estas kontraŭhoma, kiam ĝi estigas brutalan malegalecon,
kiu kondamnas egan parton el la homaro al mizero kaj malespero. Kruela,
kiam ĝi kontemplas senpasie, ke miloj da viroj, virinoj kaj infanoj dronas
antaŭ ĝiaj fermitaj limoj.

Ni povas malkovri la nekulturitan, malĝentilan, krudan karakteron en
kapitalismo atentante la filozofion kaj antropologion, kiuj estas la bazo de ĝia

pensado. Ĝi baziĝas sur simplisma kaj unudimensia antropologio. La viro
estas pura homo economicus. Ĝi estas reduktita al la plej materiaj bezonoj
kaj deziroj, la plej bestaj ecoj el la homa naturo.

Aliflanke, la kapitalismo bezonas brutaligi la socion, nuligi nian kritik-
kapablon. Ĉiuj ĝiaj komunik-rimedoj ŝajnas celantaj malhelpi la pri-
pensadon kaj la trankvilan kaj liberan uzon de nia pens-kapablo. Por sufoki

ajnan sugeston de kritika sinteno rilate al la mondo ĉirkaŭ ni.

Sed al ĝi ankaŭ oni povas apliki la terminojn je impona, fantasta, grandioza.
Markso mem esprimis tion en la Komunista Manifesto: “La burĝaro, kun sia

klasa superregado, kiu ekzistas ekde antaŭ apenaŭ unu jarcento, kreis pli
abundajn kaj pli potencajn produktigajn fortojn ol ĉiuj pasintaj generacioj

129