Page 33 - heleco-101
P. 33
Kongrue kun la re-admona celo de la libro, la teksto
de Josuo pravigas ĉiutipan perforton kontraŭ la
idolanoj. Ni memoru ke la militoj, kiujn la libro pri-
skribas, estas kontraŭfrontiĝoj de la “elektita po-
polo”, adoranta de la unusola Dio, kontraŭ idol-
adorantaj popoloj. Tial, oftas en la Josuo-rakonto
masakroj de kanaanaj gentoj far la izraelidoj. Tia
genocida teniĝo, kiun la Josuo-libro rakontas, utilas
hodiaŭ por subteni du kontraŭcelajn politikojn: unu-
flanke, la plej radikalaj cionistaj pozicioj eltiras el
tiu libro inspiron kaj pravigon por rigore sufoki
ĉiun kontraŭstaron al la juda konkero de la t. n.
“Granda Israelo”; aliflanke, la ĉiama kaj ĉiea kontraŭ-
judismo (misnomita “antisemitismo”) uzas la per-
fortan Josuo-konkeron por nei la judan rajton loĝadi
en Eretz-Israel.
Oportunas memori ke, iamaniere, la koncepto de
“Granda Israelo” aperas jam en ĉi tiu libro de Josuo.
Ja, komence de la teksto aperas alvoko de Javeh al
Josuo dirante: Mia servanto Moseo mortis; kaj nun
leviĝu, transiru ĉi tiun Jordanon, vi kaj ĉi tiu tuta
popolo, en la landon, kiun Mi donas al ili, al la
Izraelidoj. Ĉiun lokon, sur kiun paŝos la plando de
via piedo, Mi donas al vi, kiel Mi diris al Moseo. De
la dezerto kaj de ĉi tiu Lebanon ĝis la granda rivero,
la rivero Eŭfrato, la tuta lando de la Ĥetidoj, ĝis la
Granda Maro okcidente, estu viaj limoj.
Nekredeble! Laŭ tiu dia promeso, la limoj de Israelo
estus ekde la Mediteraneo ĝis la rivero Eŭfrato,
inkludante Lebanon kaj nunajn Sirion, Jordanion
kaj duonon el Irakio. Ĉu la verkistoj de tiu libro,
kiel dirite homoj de la 7-a aŭ 6-a jarcento a. K., kon-
ceptis ke tia ampleksa juda regno estus ia estonte
realigebla celo? Ĉiukaze evidentas ke Josuo mem,
ĉu li estis reala aŭ fikcia figuro, neniam faris tian
ampleksan konkeradon eĉ kun la helpo de Javeh
kaj ĉi ties miraklo-pova kesto de interligo.
Tamen ŝajnas ke estis iu kialo por ke la deŭtero-
nomistaj skribistoj menciu la riveron Eŭfraton kiel
ebla atingaĵo de izraelida konkero. Kiam ili verkis
tiun materialon, ili jam estis konintaj la historion de
33
