Page 119 - heleco-97

elŝipiĝis 130.000 homoj, 20.000 veturiloj kaj 950
tankoj. La Franca Rezisto, unuigita en 1943, ebligis la
kreadon, en februaro 1944, de francaj enlandaj fortoj,

komanditaj de Londono, proksimume 40.000 soldatoj
komence, 200.000 en julio-aŭgusto de 1944, inter ili
proksimume 4.000 hispanaj, respublikanaj rifuĝintoj,

kiuj efektivigis ligajn operaciojn, kaj kun sporadaj
atakoj kaj gerilaj agoj senmovigis germanajn trupojn
en aliaj regionoj de la lando, malebligante ilian send-
adon al Normandio.
La operacio, al kiu la Aliancanoj asignis la nomon

Overlord, estis sukcesa ĉar oni atingis la planitan mili-
tan celon: meti sur la franca teritorio armeon destin-
itan avanci direkte al Germanio. Sed ĝi estis multe-

kosta: la britoj perdis 2703 homojn, la kanadanoj 946,
kaj la usonanoj 6603. Krome oni perdis 127 aviadilojn,
2 destrojerojn kaj 300 boategojn. En la milito ĉio estas
perdoj, eĉ kaze de venko. La germanoj perdis proksim-
ume 10.000 homojn, kaj krome estiĝis en ilia atlantika

defend-linio truo, 100-kilometre longa kaj 25-kilometre
larĝa tra kiu enirus pli kaj pli malamikaj trupoj.
Tamen la avancado de la aliancanaj trupoj dum la

sekvintaj monatoj estis lanta kaj malfacila, kaj multe-
kosta pro la homaj kaj armilaj perdoj. La germanoj
devis vidi kiele en tiu kaj la aliaj frontoj de la milito
ili senĉese estis perdante terenon, kaj soldatojn, kaj kro-
me estis la intensa bombardado de siaj urboj far la bri-

taj kaj usonaj aviadiloj… En tiaj cirkonstancoj la ger-
manaj armeestroj komprenis ke la milito estis perdita.
En la Unua MondMilito la germana armeo kapitula-

cis kiam ankoraŭ la situacio ne tiom estis senespera
kiom ĝi estis en 1944. De militista vidpunkto estis
alveninte jam la momento kapitulaci kaj savi kiel
eble plej da homaj vivoj kaj havaĵo. Sed la nazia re-
ĝimo ne povis kontempli tian eblecon. La partio de

Hitlero estis atinginte la povon en Germanio surbaze
de emfazado pri la honto de la malvenko de 1918, kiun
ili atribuis al perfido de marksistoj, framasonoj kaj ju-

doj, la “surdorsa ponard-piko” sur kiu la naziistoj baz-
igis sian propagandon. Do, ili ne povis akcepti tiam,
en 1944, similan kapitulacon, kaj tiele estiĝis grava
kontraŭdiro inter Hitlero kaj la arme-estroj.

119