Page 172 - heleco-97
P. 172
agadoj kaptitaj inkluzivas bonvenigon de ekster-
landaj diplomatoj, altrangaj partianoj kaj politikistoj,
kiel Franz von Papen, ĉe la nurenberga stacidomo,
je la alveno de Hitlero al la flughaveno kaj lia renkont-
iĝo kun partiaj lideroj, la amasaj defiladoj de SA-
trupo kaj la parolado de Hitlero pri la potenco de la
partio kaj la dekjariĝo de la germana nacisocialisma
movado. La bonvenigo inkluzivas paroladon de alt-
ranga ano de la Itala Faŝisma Partio, Arturo Marpica-
ti, kun transdonitaj salutoj de Mussolino. Ĝin sekvas
la amaskunveno sur la vasta paradejo konstruita de
Albert Speer, kaj inkluzivas flugon de aerŝipo Zep-
pelin, kun svastiko sur la vostnaĝilo. Estas ankaŭ
aparta amaskunveno de Hitlera Junularo, kaj sekvas
defilado de SA- kaj SS-trupoj tra la stratoj de la
urbo. Ĉi tiu filmo estis poste cenzurita de la naziaj
aŭtoritatoj kaj retiritaj ĝiaj kopiaĵoj ĉar en ĝi mult-
foje aperas apud Hitlero la tiama gvidanto de la SA,
Ernst Röhm, kiu estis poste likvidita kadre de la
operacio «Nokto de la Longaj Tranĉiloj». La alia el
la filmoj de Leni Riefenstahl estas tiu titolata:
Triumph des Willens (Triumfo de la Volo), kiu havas
daŭron je 1 horo kaj 50 minutoj. Ĝi estas tre simila
al la antaŭa, kun samaj programeroj, en la sama urbo.
Ĝi kronikas la Nazian Partian Kongreson de 1934
en kiu partoprenis pli ol 700.000 naziaj subtenantoj.
La filmo enhavas eltiraĵojn de paroladoj de naziaj
gvidantoj ĉe la Kongreso, inkluzive de Hitlero, Hess
k. a. intermetitaj kun bildoj de amasaj marŝadoj de
SA- kaj SS-trupoj kaj entuziasma publiko. Ĉar la
filmo estis farita post la «Nokto de la Longaj Tran-
ĉiloj» (la 30an de junio de 1934), multaj elstaraj
SA-membroj forestas ĉar ili estis murditaj en tiu
partia purigo.
En ambaŭ priskribitaj filmoj, la “kongresoj” pli si-
milas mitingoj kun idol-kulto al la lidero: laŭdado
de ĉiuj parolantoj al la Führer kaj aklamado de la
amasoj al Hitlero dum ĉi ties diskursoj pri la unueco
de la patrujo kaj ties glora destino, disdegnante la
koncepton de klasaj diferencoj. La sama kin-direktor-
ino Leni Riefenstahl reĝisoris ankaŭ la faman filmon
pri la Olimpi-Ludoj de 1936 en Berlino.
172
