Page 113 - heleco

publikaj servoj. Kune kun la Markizo de Huétor de Santillán,
estro de la Civila Domo de Franco, Martínez Bordiú amasigis

riĉaĵon el diversaj fontoj, precipe per la akiro de la ekskluziva
licenco por importi Vespa-motorciklojn el Italio, en tempo
kiam Hispanio havis malmulte da valuto por importado.

Formiĝis iu klano Villaverde kies ekonomia cerbo estis la
onklo kaj baptopatro de Martínez Bordiú, José María Sanchiz

Sancho. La patro de Sanchiz, José Martínez Ortega, Grafo
de Argillo, laboris por la Tria Reich dum 2-a Mondmilito

kaj poste helpis kaŝi naziajn financon. Sanchiz baldaŭ pri-
zorgis la ekonomiajn interesojn de Franco. Li faris riĉaĵon
por la Villaverde-klano per spekulado pri nemoveblaĵoj kaj

import-eksport-licencoj, kaj lia sukceso permesis al li akiri
konsiderindajn bankinteresojn. Laŭ la pasado de la tempo,
la Villaverde-klano deprenis la influon de la gefratoj de Franco,
Nicolás kaj Pilar. Iu grava falangisto kiu konservis notojn

pri subaĉeto kaj korupto ene de la elito de Franco priskribis
Sanchiz-on kiel “aventuriston kun la animo de ŝakalo” por kiu
“la politiko ne povas esti akceptita kiel sindonema servo por

la komuna bono, sed prefere kiel la ruza manipulado de mal-
pura vendotablo, kies grasa rezulto devas esti reflektita tuj en
la persona banka fonduso, en la nuna konto. Li enmerdigas ĉion

kion li tuŝas kaj lasas merdan spuron tie tra kie ajn li iras”.
La klano Villaverde estis verŝajne la plej sukcesa el la multaj
kiuj ekspluatis siajn ligojn kun Franco.

Kiel dirite, Franco havis neniun intereson esplori la korupton,
ĉar krom tio ke li mem estis ege implicita en tiaj aferoj, tiu
teniĝo certigis al li la lojalecon de la elito. Entute oni kalkulas
ke li ricevis kvar miliardojn da pesetoj (ĉirkaŭ 24 milionoj da

eŭroj) en donacoj dum sia mandato. Tiu ĉi kalkulo verŝajne
ne inkluzivas la valoron de la centoj da memorigaj oraj
medaloj kiujn loĝantaroj kaj entoj de Hispanio donis al la

diktatoro kaj kiujn Doña Carmen igis fandi por produkti
ingotojn. Krom la biendomo de Valdefuentes, la Franco-familio
akumulis pliajn dek kvin posedaĵojn. En 1945, Doña Carmen

aĉetis tutan loĝej-blokon en Madrido kaj, en 1962, la gran-
diozan Palacon de Cornide en Korunjo. La kompleksaj kaj
suspektindaj maĥinacioj kiujn tio implikis inkludis trukitan

aŭkcion faciligitan fare de Pedro Barrié de la Maza kaj la
urbestro de Korunjo. La avareco kaj avideco de la Damo estis
legendaj. La juvelistoj de Madrido kaj Barcelono kreis ne-

113