Page 149 - heleco

Franco mortis riĉa, kun riĉaĵo de ĉirkaŭ kvarcent milionoj da eŭroj, laŭ prezoj
de 2015. La timo de Doña Carmen pri reprezalioj estis senbaza. Kelkajn tagojn
post sia investiĝo kiel reĝo, Juan Carlos aljuĝis al ŝi la titolon de Sinjorino de

Meirás, kaj tiun de Dukino de Franco al ŝia filino. La sinjorino havis tempon
kontroli la procezon de pakado kaj ŝarĝado sur kamionojn sennombrajn skatolojn
da juvelaĵoj, antikvaĵoj, pentraĵoj kaj gobelinoj, kune kun la paperoj de la

diktatoro, por transdoni ilin al la diversaj posedaĵoj de la familio en Hispanio aŭ
al sekuraj rifuĝejoj eksterlande. Oni supozas ke kelkaj el la objektoj de ne-
kalkulebla valoro apartenis al la nacio, sed ke ekzistis neniu kontrolo far la
responsuloj pri la Nacia Havaĵo.

Malgraŭ la morto de Franco, la familio restis eksterordinare riĉa. La juvelaĵ-
kolekto de Doña Carmen estis kolosa. En ŝia loĝejo, estis ĉambro en kiu la muroj

estis kovritaj de la planko ĝis la plafono per kvardek kolonoj da 20 mallarĝaj tir-
kestoj enhavantaj “pelmelon da juveloj: kolĉenoj, tiaroj, orelringoj, girlandoj, broĉoj,
kameoj”, kaj krome estis aliaj tirkestoj plenaj da oro kaj arĝento kaj unuopaj ŝtonoj:
perloj, diamantoj, rubenoj, smeraldoj kaj topazoj. Kaj la plej valoraj pecoj estis en

sekuraj skatoloj en bankoj. Ili estis donacoj de hispanoj kaj eksterlandanoj kiuj
provis gajni la favoron de la diktatoro. En la domego de la biendomo Canto del
Pico, kiun la Franco-familio ricevis kiel donaco en 1937, tunoj da donacoj estis

amasigitaj far la diktatoro kaj lia edzino.
En aliaj lokoj, ekzistis tutaj magazenoj enhavantaj la donacojn kiuj estis senditaj
al Franco. Kaj, krom la amasigita riĉaĵo, Doña Carmen ricevis malavarajn ŝtatajn
pensiojn kiel vidvino de la ŝtatestro, kapitan-generalo kaj tenanto de pluraj medaloj.

Oni taksas, ke la kombinita valoro de la pensioj havigis al ŝi enspezon, kiu
duobligis tiun de la ĉefministro (proksimume 350 000 eŭroj jare en 2019).

Posteularo de la diktatoro kaj beneficuloj de ĉi ties predado al Hispanio

149