Page 180 - heleco

Kaj temante pri historiaj libroj oni devas enkalkuli inter ili la t. n. novelojn kun
historia fono. Verdire, por la diskonigo de la historiaj eventoj kaj personoj inter
la publiko pli efikas tiutipa literaturo ol la akademiaj historiaj tekstoj ĉar ĉi lastaj

povas rezulti tedaj por la granda publiko dum la prihistoriaj romanoj, eĉ se kun
inventitaj protagonistoj, povas amuze enkonduki la legantojn en la epokon kaj
etoson de la priskribitaj eventoj.

Nu, aldonendas, tamen, ke la verkistoj de prihistoriaj romanoj, same kiel la
aŭtoroj de klasikaj historiaj libroj kaj la kronikistoj de la historiaj okazintaĵoj,
subjektive partoprenas en la militojn, batalojn kaj konfliktojn kiujn ili pritemas.

En nia lando, tipaj ekzemploj de tiutipaj verkistoj estas Arturo Pérez Reverte kaj
José Calvo Poyato, sed ili ne estas la solaj kiuj prikantas aŭ prigloras la prodaĵoj

de sia lando ĉu ĉi tiuj estas decaj aŭ ne, kaj, kompreneble, same okazas en ĉiu
aliaj ceteraj landoj.
Revenante al la menciita Milito pri Sukcedado en nia lando, interesa kaj amuza

roman-kolekto pri ĝi estas tiu verkita de Alfonso Danvila (1879-1945). La kolekto
titoliĝas: «La frat-murdaj luktoj en Hispanio», kaj konsistas el 14 volumoj, kies

titoloj estas: - La Testamento de Karolo la 2-a; - La Savojanino ; - Habsburgoj
kaj Burbonoj; - La Unua Karolo la 3-a; - Almansa; - La Princino de la Ursinoj;
- La arkiduko en Madrido (2 Volumoj); - La Kongreso de Utrecht (2 volumoj);

- La Triumfo de la Lilioj (2 volumoj); kaj - Estas ankoraŭ Pireneoj (2 volumoj).

180