Page 98 - heleco

de la Vento kiu enhavis multajn artaĵojn de granda valoro.
La grafo de Almenas mortis en 1940. La bieno estis vendita
de la familio Franco en 1988 kontraŭ 320 milionoj da

pesetoj.
Franco ekposedis ankaŭ “donacon” kiu estis rezulto de
miksaĵo de korupto kaj servila flatado. Julio Muñoz Aguilar,
provinca guberniestro de Korunjo, kaj Pedro Barrié de la

Maza, loka entreprenisto, organizis "popolan" kvestadon,
en teorio por ke la homoj de la provinco povu esprimi
sian dankemon al Franco pro tio ke “li savis ilin”. La en-

spezo estis destinita al la aĉeto kaj ampleksa renovigo de
grandioza grandbieno, la Pazo de Meirás, kiu apartenis al
la galica romanverkistino Emilia Pardo Bazán. La domo estis

sur tereno de 110.000 kvadrataj metroj. La reformoj estis
kontrolitaj de Carmen Polo, kiu, dum la procezo, ricevis
multajn donacojn. Kelkaj el la kontribuoj al la kvesto estis

libervolaj, kvankam multaj el la donacoj estis akiritaj per
devigo kaj, en la kazo de publikaj dungitoj, la kvanto de
iliaj “donacoj” estis subtrahita rekte de ilia salajro; aliaj
kontribuis pro timo esti akuzitaj je mallojaleco. Muñoz

Aguilar estis rekompencita per la lukraj postenoj de estro
de la Civila Domo de la Generalego kaj administranto de la
Nacia Heredaĵo de la aktivaĵoj kaj artaj trezoroj de la reĝa

familio. Barrié de la Maza poste ricevis nobelan titolon de
Franco. Iu propagandisto de Franco verkis artikolon
laŭdante la aŭsterecon de la estro kaj deklarante ke lia nura

riĉaĵo estis lia armea salajro de 1.500 pesetoj monate. La
Pazo de Meirás, kiu ricevis helpon de la Diputacio kaj la
Ŝtato, fariĝis lukra agrokultura bieno kaj somera loĝejo
por la familio Franco, kun la preteksto ke ĝi estas la

loĝejo de la ŝtat-estro, kvankam poste oni sciis ke Franco
fraŭde metis la bienon sianome.
Grava fonto de la enspezoj de Franco estis lia alproprigo

de kvestoj teorie organizitaj por kovri la koston de la milit-
investo. Ĝenerale, la kontribuo al tiuj iniciatoj estis deviga.
La enspezo estis normale konservita sekreta, kio faciligis la

transdonon de la mono al unu el la bankkontoj de Franco sub
la nomo de “Nacia Kvesto ĉe la Dispono de Generalo Don

Francisco Franco Bahamonde”. Ĉi tiu kontonomo poste estis

ŝanĝita al “Donacoj je la dispono de la Ŝtatestro”. Per
parto de tiu mono, Franco aĉetis grandan bienon nomatan

98