Page 110 - heleco-99

Estis ankaŭ faktoroj de malstabiligo ene mem de la reganta koa-

licio. La 4-an de majo de 2021, Pablo Iglesias anoncis sian eks-
iĝon de ĉiuj siaj postenoj ĉe Unidas Podemos kaj sian forlason
de la institucia politiko. De tiam la rolo Vicprezidanto de la Reg-

istaro kiun Iglesias estis plenuminta, kiel lidero de Unidas Pode-
mos, estis efektivigita de Yolanda Díaz, sed ŝi ne same heredis
la liderecon de Unidas Podemos. Kiel sciate, ankaŭ ĉi tiu estas

koalicio, kaj ene de ĝi la rilato inter ambaŭ komponaĵoj, I.U.
kaj Podemos, ne estis glata. Ĉi tio gravis ĉar Yolanda entreprenis
poste la kreadon de politika platformo por kandidatiĝi en la sekv-
onta ĝenerala balotado. Ĉi tiu nova politika projekto estis ident-

igita de la amaskomunikiloj kiel “ampleksa fronto”. La 19-an
de majo 2022, ŝi registris novan politikan enton nomitan “Sumar”
(kun la signifo de “aldoni”, “adicii”) ĉe la Ministerio pri Internaj

Aferoj. Ĝia celo estis unuigi la politikajn fortojn maldekstre de la
Socialista Partio. En junio de tiu sama jaro, Sumar komencis
“aŭskultprocezon” ĉie en la lando por informiĝi pri la civitanaj

bezonoj kaj konstrui politikan projekton kiu reprezentus ilin.
Kiel dirite, grava rezisto al la unuiĝo estis ĝuste tiu de Podemos
kun kiu estis en koalicio Yolanda kaj ĉi ties gekamaradoj. Ce-

tere la ĉefa liderino de Podemos, la Ministrino pri Egaleco
Irene María Montero, suferis dum la lasta etapo antaŭ la balotado
egan politikan erozion kaj multajn atakojn de la dekstrara opozi-

cio por leĝo, kies parlamentan apogon ŝi atingis favore al la celo
protekti la virinojn el seks-atakoj, sed kies aplikado estis mal-
bone alĝustigita al la juraj proceduroj, el kio rezultis ke multaj

enkarcerigitaj seksperfortigintoj estis liberigitaj aŭ ricevis pun-
reduktadon. En tiu kunteksto okazis la urbaj kaj regionaj balotoj
de la 28-a de majo ĉi-jare kies rezulto estis katastrofa por la
Koalicio de Maldekstraro.

La balotkampanjo de la PP kaj VOX kontraŭ la Socialista Partio
centriĝis, ĝisnaŭze, en unu konkreta punto: la fakto ke la social-

istoj kaj ties maldekstraj kunkoalicianoj povis regadi nur dank’
al la apogo de la naciismaj fortoj de Katalunio kaj Euskadio. En
septembro 2022, estis aperinta en la amaskomunikilaro la slo-
gano: “Ke Txapote voĉdonu por vi”, uzata de politikistoj kaj

simpatiantoj de la PP kaj VOX por ataki la Prezidenton Pedro
Sánchez. Tiu slogano estis tre disvastigita en la balotkampanjoj
de ĉi-jaro 2023. Txapote estas kaŝnomo de la eŭska teroristo

Francisco Javier García Gaztelu kiu murdis kelkajn homojn ka-
dre de la terorisma kampanjo en Eŭskio.

110