Page 16 - heleco-99

Partio estis rekompencitaj per kelkaj el la 500.000 labor-

lokoj kreitaj inter 1982 kaj 1994. Tiu praktiko instigis kaj
plifirmigis la ideon ke oni povus atingi privatajn avantaĝojn
de la ŝtatoficistoj. La elspezoj kreskis inter 1982 kaj 1996
ankaŭ kiel rezulto de la fruktodona klopodo plibonigi la

magran socian servon de la frankisma ŝtato, ĉefe en la
areoj de sanservo, pensioj kaj edukado.
Bedaŭrinde, la sukcesoj de la socialistoj estis makulitaj de du

grandaj problemoj: terorismo kaj korupto. La UCD, unue, kaj
la socialistoj poste, uzis nereformitajn policajn taĉmentojn,
precipe la Civil-Gvardio, kiu ne reduktis la malamikecojn

de ETA kontraŭ la ŝtato. Responde al la teroristaj atencoj, la
UCD estis tolerinta agojn ambaŭflanke de la franc-hispana limo

far ekstremdekstraj mort-taĉmentoj ligitaj al la policaj servoj.
Tiuj ĉi taĉmentoj, konsistantaj el francaj, argentinaj kaj italaj
ekstremdekstruloj, same kiel dungitaj murdistoj, uzis malsamajn
nomojn, inter kiuj plej oftis: “Hispana Eŭska Bataliono”. La

socialista ministro pri Internaj Aferoj, José Barrionuevo, kaj
lia Ŝtata Sekretario pri Sekureco, Rafael Vera, dungis agentojn

de la frankisma sekreta polico. Inter oktobro 1983 kaj julio
de 1987, ili financis tiujn bandojn per rezervitaj monrimedoj
de la registaro, kiuj operacis sub la nomo: Grupoj Antiterror-

istaj de Liberigo (GAL). La murdoj de dudek sep ETA-anoj en
la Franca Eŭskio celis devigi la francajn aŭtoritatojn ĉesigi la
rifuĝadon de ETA-anoj en la areo. La 4-an de decembro de

1983, GAL erare kidnapis iun senkulpan francan civitanon
sen rilato al ETA: Segundo Marey. Finfine oni eksciis ke la
operacio havis la kunkulpecon de Vera kaj Julián Sancristóbal,

civila guberniestro de Biskajo, kaj estis gvidita de la vic-
komisaro de la frankisma polico, José Amedo Fouce. Post
ĝis-funda esploro de la enket-juĝisto Baltasar Garzón pri

la financado de la GAL kaj ĝiaj agadoj, inkluzive la
kidnapo de Marey, estis enprizonitaj Barrionuevo, Vera,
Sancristóbal kaj Amedo. La politika skandalo pri la GAL kaj

la kunkulpeco de la registaro plifortigis malamikecon
kontraŭ Madrido en Eŭskio kaj kaŭzis grandegan politikan

damaĝon al Felipe González. Ties fama eldiro ke “la
jurŝtato ankaŭ defendas sin en la kloakoj” ne kontribuis
estingi tiujn onidirojn.
Unu el la unuaj kazoj de socialista korupto okazis kiam, por

mildigi subdungadon en la kamparo, estis pligrandigita la
16