Page 33 - heleco-99
P. 33
Aznar alvenis al la politika potenco kun kompromiso prezenti
“puran registaron” kaj trovi homojn por administri la publikajn
firmaojn estante sufiĉe riĉaj por ne emi fraŭdi. Tamen, la nom-
umoj –ofte de personaj amikoj liaj– igis pridubi la sincerecon de
lia batalo kontraŭ la korupto. Ekzemple, ekzistis suspektoj pri
la ligoj de Josep Piqué kun Javier de la Rosa. Piqué prezidis de
1989 ĝis 1992 la firmaon de oleo kaj lubrikaĵoj ERTOIL, filio
de la nafto-firmao ERCROS, kiu estis parto de la Grupo Torras-
KIO, kaj estis duboj pri kiu estis lia rolo en la vendo de ERTOIL
en 1991, labirinta operacio malantaŭ kiu estis Javier de la Rosa.
La kazo estis fine esplorita post jardeko, sed la juĝisto fermis
ĝin en 2007 pro manko de pruvoj. Dume, Piqué plurfoje rolis kiel
ministro kaj forlasis la Registaron en 2003, post kio li plu
prosperis kiel prezidanto, direktoro aŭ konsilisto de 25 publikaj
kaj privataj kompanioj.
Unu el la amikoj de Aznar, Juan Villalonga, estis nomumita pre-
zidanto de Telefónica. Li igis la firmaon potenca telekomunika
multnacio kompanio dank' al ĝia ekspansio en Latin-Ameriko
kaj interakordoj kun telekomunikaj firmaoj en Britio kaj Usono,
kiuj kaŭzis ĝian akcian prezon altiĝi. Tamen, en junio 2000,
enketo de la ĵurnalo El Mundo konkludis ke Villalonga, kune
kun Alberto Cortina Alcocer, bankiero kaj konstrumagnato,
amasigis en 1998 riĉaĵon, uzante konfidencan informon kaj liajn
akciopciojn por aĉeti akciaron de la firmao antaŭ la granda
vastiĝo de Telefónica kaj vendi ĝin post kiam ĝia akcioprezo
tre altiĝis. La 24-an de julio, la Nacia Borsa Komisiono (CNMV)
komencis siajn esplorojn. La rezultaj onidiroj igis ke la reg-
istaro de Aznar ĉesigu la prezidantecon de Telefónica de
Villalonga, kvankam la CNMV-enketo estis fermita la 2-an de
aŭgusto konkludante ke estis nesufiĉa indico de uzo de sekreta
informo por pravigi la iniciaton de sankcia proceduro.
Villalonga estis anstataŭita, en la prezidanteco de Telefónica, de
César Alierta, ĝis tiam prezidanto de la ŝtata tabaka monopolo,
Tabacalera, kies kariero ne estis tre malsama ol tiu de sia antaŭ-
ulo. Komence de 2002, alia enketo de El Mundo rivelis ke Alierta
kaj lia edzino formis invest-entreprenon kiun, en 1997, ili vendis
al sia nevo Luis Javier Plácer. Fine de 1997, la prezo de
Tabacalera altiĝis pro sia akiro de iu usona kompanio. Dank'
al la privilegiaj informoj pri la baldaŭa aĉeto, la firmao, kiun
Alierta vendis al Plácer, akiris grandan nombron da akcioj de
Tabacalera, kio donis al li profiton de 309 milionoj da pesetoj
kiam li vendis ilin post ses monatoj. Kiel rezulto de la akuzoj
33
