Page 36 - heleco-99

akuzita je provizado de konfidencaj informoj al GESCARTERA

kaj ricevado de donacoj el la firmao. Kiam la kazo finfine venis
al la proceso en 2007, la tribunalo punis la posedanton de la
firmao, Antonio Camacho Friaza, per 11 jaroj da malliberejo kaj
ĝian prezidanton, Pilar Giménez-Reyna, al tri. En januaro 2002,

estis rivelita ke Baltasar Garzón lanĉis gravan enketon en la
sekretajn kontojn tenitajn fare de BBVA en fiskaj paradizoj. Du
direktoroj de la firmao eksiĝis en decembro 2001, sekvotaj de pliaj

kvar en aprilo 2002, pro ilia implikiĝo en supozataj deliktoj
de impost-fraŭdo, kontraŭleĝa alpropriigo de la pensia fonduso
kaj tenado de sekretaj kontoj en fiskaj paradizoj.

La tre trumpetata aŭstereco de Aznar iĝis pridubinda okaze de la
geedziĝo de lia filino Ana kun unu el liaj konsilistoj, Alejandro
Agag. La ligo, festita en la monaĥejo de El Escorial la 5-an de

septembro de 2002, estis okazaĵo simila al reĝa geedziĝo. Inter
la mil cent invititoj estis la gereĝoj de Hispanio, la registrar-
estroj de Britio, Italio kaj Portugalio, same kiel kelkaj hispanaj
altranguloj kaj politikistoj. Estis dudek kvin atestantoj ĉe la

ceremonio, unu el ili estis Francisco Correa, la ulo kiu poste iĝis
la protagonisto de la fama GÜRTEL-kazo. Agag neis en 2009
ke li havis ajnan komercrilaton kun Correa, sed lia nomo aperis

en la sekretaj kontoj de unu el la esencaj partneroj de Correa, lia
libro-tenisto, José Luis Izquierdo López. Correa posedis kelkajn
vojaĝ- kaj event-agentejojn, kiuj ĝuis iom da sukceso kaj jam
organizis la feriojn de kelkaj altrangaj gravuloj de la PP, al

kiuj li estis prezentita fare de liaj amikoj de la junularo de la
partio, Novaj Generacioj, de kiu Agag estis sekretario. Eĉ tiam
estis iuj, kiuj scivolis, kiel iama fiska inspektisto kia Aznar

povis pagi tian grandiozan geedziĝan bankedon, kiu inkludis la
donacon de vino de kelkaj famaj vinfaristoj. Post dek unu jaroj,
la esploroj de la kazo GÜRTEL malkaŝis ke Correa donis 32.452

eŭrojn por pagi la lum- kaj son-kostojn kaj ke diversaj donacoj
por la geparo estis ŝarĝitaj al la kontoj de GÜRTEL. Aznar ĉiam
neis, ke publika mono estis elspezita por la geedziĝo; tamen,

sendepende de la kostoj de la geedziĝa bankedo, la Urbodomo
de El Escorial zorgis pri la grava elspezo en transportado,
homamas-kontrolo kaj parkado por la gastoj.
Kiel fono, eta korupto regis ĉefe en la sektoro de la konstruado.

Unu el la esencaj dispozicioj -kaj ja la plej damaĝa- prenitaj de
la unua registaro de Aznar estis tiu rilate al la ter-liberaligo.
Tiu ĉi leĝa ŝanĝo, kombinita kun la alveno de malaltekosta

36