Page 35 - heleco-99

lia partio regus. Ne pasis multe da tempo antaŭ tio ke altrangaj

oficistoj de la PP estis akuzitaj pri subaĉeto kaj korupto, inkluzive
Martínez Pujalte en 2016. Eĉ antaŭ la balotado de marto de la
jaro 2000, la amaskomunikilaro amplekse priraportadis tion,
kion estis nomita «linfraŭdo».

La kultivado de lino, por la produktado de linoleo kaj teksaĵ-
uzo, estis subvenciita de la Eŭropa Unio po 120.000 pesetoj
(proksimume 720 eŭroj) je hektaro. Kiam estis Ministrino pri

Agrokulturo Loyola de Palacio y del Valle Lersundi, de 1996
ĝis 1998, grandaj etendaĵoj de lino estis plantitaj en terenoj
apartenantaj al parencoj de altranguloj de la Ministerio pri

Agrikulturo kaj gravuloj kiel ekzemple la Dukino de Alba kaj
Mario Conde. La nombro da hektaroj plantitaj per lino, kiuj en
1994 estis apenaŭ ducent, altiĝis ĝis tridek mil en 1998, malgraŭ

tio, ke ĝi estis maltaŭga rikolto por la koncernaj areoj, inter kiuj
estis terenoj antaŭe dediĉitaj al tritiko kaj aliaj utilaj kultivaĵoj.
La plej granda parto de la kultivita lino, kiu ne estis vendita, estis
lasita putri sur la kampoj aŭ brulita. En aprilo de 1999, Nicolás

López de Coca, ĝenerala direktoro de la ento komisiita de demarŝ-
ado de subvencioj kun la Eŭropa Unio, demisiis kiam iĝis konata
ke membroj de lia familio estis inter la profitantoj de la subven-

cioj. En decembro 2000, la Kontraŭkorupta Prokuroro komencis
esplori eblajn deliktojn kaj informis la Eŭropan Komisionon pri
la ekzisto de fraŭdo en la subvencioj de Eŭropa Unio al teksa
lino. La PP impete neis, ke Loyola de Palacio, kiu tiam estis vic-

prezidantino de la Eŭropa Komisiono, faris ajnan fraŭdon. En
aprilo 2007, la Nacia Kortumo konsideris ke tiuj kiuj profitis
el la eŭropaj subvencioj faris nenion kontraŭleĝan.

La korupto en rilato kun la Registaro estis en la frontpaĝoj de
la ĵurnaloj informante pri la kazoj GESCARTERA en 2001 kaj
BBVA (Banco Bilbao Vizcaya ARGENTARIA) en 2002. En

junio 2001, la CNMV malkovris ke la invest-demarŝa firmao
GESCARTERA, trompis siajn klientojn, inter ili iujn episkopojn,
tridek religiajn ordenojn kaj la investo-fonduson de la Polico,

laŭ sumo de 88 milionoj da eŭroj. La vicministro pri financoj
de PP, Enrique Giménez-Reyna, demisiis la 21-an de julio. Lia
fratino Pilar estis la prezidantino de GESCARTERA, kaj estis
akuzita je kontraŭleĝa alpropriigo. En septembro, Giménez-

Reyna estis esplorita pro tio ke li faciligis kontaktojn inter sia
fratino kaj Pilar Valiente, prezidantino de la CNMV, kio kaŭzis
la eksiĝon de Valiente la 21-an de septembro, post kiam ŝi estis

35