Page 42 - heleco-99

pli granda ol la kvanto de la premio, kio ebligas ke la premio-

mono estu metita en cirkuladon pura kaj senimposta. Kiam
Fabra unue estis akuzita, Rajoy venis al lia helpo, nomante lin
ekzempla civitano. Fabra fifamiĝis pro tio ke li promociis la
konstruadon de la flughaveno de Castellón, senutila projekto

por pli granda persona gloro, kiu kostis al la provinco riĉaĵon.
En novembro de 2013, li estis kondamnita al kvar jaroj en
malliberejo pro subaĉeto, influo-trafiko kaj impostfraŭdo.

Ankaŭ aliaj partioj, krom la PSOE kaj la PP, estis implikitaj
en koruptaj praktikoj. La deliktoj de CiU iĝis publike konataj
post kiam ĝi perdis subtenon en Katalunio pro ĝiaj proksimaj

ligoj kun la PP. La ĉefa profitanto de tiu perdo de subteno
por CiU inter la katalunisma medio estis la Esquerra Repu-
blicana de Catalunya (Respublikana Maldekstro de Katalunio,

ERC). En la balotoj de novembro 2003, la socialisto Pasqual
Maragall venkis la posteulon de Pujol, kiu estis la ekonomik-
isto Artur Mas, sed ne atingis absolutan plimulton. En de-
cembro, Maragall iĝis prezidanto de la Generalitat estrante

koalicion de la PSC, ERC kaj la Iniciativa per Catalunya Verds
(siavice, koalicio de komunistoj kaj verduloj). La tripartio
regantis de 2003 ĝis 2010.

Same kiel la PP, Convergència i Unió kontraŭleĝe financis sin
per makleraĵoj kontraŭ publikaj kontraktoj, fakto kiu iĝis
publike konata sekve de debato en la Kataluna Parlamento la
24-an de februaro 2005 pri la disfalo de la tunelo de la metroo,

kiu estis konstruita en la barcelona kvartalo de Carmel.
Responde al akuzoj pri registara neglektemo far la CiU-gvid-
anto Artur Mas, la socialista prezidanto de la Generalitat,

Pasqual Maragall, deklaris: “Vi havas problemon, kaj tiu
problemo nomiĝas tri elcento”, aludante al onidiroj, ke CiU
ŝarĝis komisionon je 3 elcento por la aljuĝo de publikaj

laboraĵ-kontraktoj. Kiam Mas minacis ĉesigi subtenon por la
reformo de la Kataluna Statuto de Aŭtonomeco, Maragall
estis dev-igita retiri la akuzon. Pli postaj juraj enketoj rivelis

ke Convergència ricevis makleraĵojn pro publikaj laboraĵ-
kontraktoj aljuĝitaj al konstru-firmaoj. Kiam firmao ricevis
kontrakton, ĝi faris “donacon” ekvivalentan al 3 el-cento de
la kontrakto al la Fundació Orfeó Català-Palau de la Música,

posedanto kaj administranto de la fama barcelona modernisma
konstruaĵo, kiu siavice poste transdonis parton al la grupo
de ekspert-uloj de Convergència, la Fondaĵo Trias Fargas.

42