Page 45 - heleco-99

1991 kaj 2002. En aprilo de ĉi tiu lasta jaro, li estis malkvalifikita por okupado de

publikaj oficoj dum 28 jaroj, devigita eksiĝi kiel urbestro, kaj malliberigita dum
ses monatoj pro serio de deliktoj kiuj inkludis influo-trafikon, dokumenta falsado
kaj defraŭdo de publikaj monrimedoj, krom fraŭdo kontraŭ la futbalteamo Atlético
de Madrid kaj la Marbella Urbodomo. Gil alproprigis al si 450 milionojn da

pesetoj (2,7 milionoj da eŭroj) de la Urba Konsilio asertante ke tiu mono estis
destinita pagi por ke la nomo de la urbo aperu sur la ĉemizoj de la klubo. La
fraŭdo ne nur profitigis lin finance, sed ankaŭ akcelis lian balot-kampanjon por

fariĝi urbestro en 1991. Inter 1991 kaj 1995, Gil kaj ses aliaj komplicoj trompis la
Marbella-n Urbodomon je 35,2 milionoj da eŭroj en pago de elspezoj al kvar
kompanioj. Unu el la kunlaborantoj estis Juan Antonio Roca, urba konsilisto de

la Urba Konsilio de Marbella.
Gil mortis antaŭ ol la enketoj de la kontraŭkoruptaj aŭtoritatoj komenciĝis en
novembro de 2005. Sub lia protekto, en la 1990-aj jaroj, Juan Antonio Roca, per

subaĉeto kaj ĉantaĝo, kreis reton de komercistoj, advokatoj, policanoj kaj eĉ juĝistoj,
uzante la kontaktojn kreitajn de la germana konsulo en Malago, Hans Hoffmann,
kaj lia filo Juan. Oni devas memori, ke Hans Hoffmann estis la pioniro de la
nemoveblaĵoj en la proksima urbo Fuengirola kiu riĉigis José Antonio Girón de

Velasco. Dum la kreskego de la konstruado de nemoveblaĵoj, Roca estis la cerbo
planinta la malobservojn de urbaj regularoj kiuj riĉigis lin kaj plurajn urbestrojn
kaj konsilistojn. La kontant-mono de la komercistoj estis utiligita fare de Roca por

pagi la konsilistojn kaj akiri la aprobon de urbaj planoj kaj konstruo-permesiloj el
kiuj li kaj Gil profitis. La enketoj en liaj agadoj kaŭzis cent enketojn en aliajn ko-
ruptajn kazojn kun nomoj kiel ekzemple Saqueo 1, Saqueo 2, Minutes, Belmonsa,
Urquía kaj, plej grave, Malajo, kiuj kondukis Roca-n en malliberejon dum 21

jaroj. Dum la unua el kelkaj procesoj, estis montrite ke Roca amasigis kontraŭleĝan
riĉaĵon de pli ol unu miliardo da eŭroj.
En marto de 2006, la polico trudeniris hejmojn kaj oficejojn en Marbella, Malago,

Madrido, Murcio, Kadizo kaj Onubo, konfiskante dokumentojn, egan kvanton da
valoraĵoj kaj kontant-monon je 2,4 miliardoj da eŭroj. Multaj Roca-posedaĵoj estis
traserĉitaj, de grandaj biendomoj ĝis hoteloj kaj etaĝdomoj. En lia grandega bien-

domo en Marbella, La Caridad, en marto 2006, estis trovitaj juvelujoj, pluraj luksaj
aŭtoj, 245 valoraj pentraĵoj —inter ili, unu el Miró pendanta en banĉambro—,
helikoptero, pavilono plena de ĉas-trofeoj —elefantoj, zebroj, ĝirafoj kaj leopardoj—

kaj stalo kun pli ol cent pur-rasaj ĉevaloj. En la bieno La Morisca en Jimena de la
Frontera (Kadizo) troviĝis cent taŭroj kaj valora kolekto de historiaj taŭroludoj.
En la serĉo de la madrida domo de la eksa Konsilanto pri Trafiko de Marbella,
Victoriano Rodríguez, estis trovitaj inter tricent kaj kvarcent mil eŭroj, supozeble

pretaj por la pago de subaĉetaĵoj, ĉar la mono estis metita en kovertojn etikeditajn
per kvantoj kaj nomoj. Tiuj eltrovaĵoj kaŭzis la arestojn de Roca, Rodríguez, la
urbestrino de Marbella, Marisol Yagüe, kaj la vicurbestrino Isabel García Marcos.

45