Page 43 - heleco-99

Ekzemple, Ferrovial, pere de Palau, pagis makleraĵojn entute 5,1

milionojn da eŭroj por kontraktoj kiel la komplekso de konstruaĵoj
destinitaj por juĝejojn kaj komplementajn servojn konatajn kiel
Ciutat de la Justícia aŭ la ambicia linio 9 de la metroo de
Barcelono.

En 2013, esploro pri la eksterleĝa financado de CiU, kiu estis daŭranta
de iom da tempo, malkaŝis la personan korupton de Jordi Pujol. La
skandalo aperis kiam María Victoria Álvarez, eks-amantino de lia plej

aĝa filo, Jordi Pujol Ferrusola, malkaŝis ke la familio havis gravajn
bankkontojn en la fiska paradizo de Andoro. En respondo al la
publike konataj revelacioj, en julio 2014, Jordi Pujol deklaris ke

temis pri heredo el sia patro kaj ke li simple estis tro okupata por
deklari ĝin al la fiskaj aŭtoritatoj. Tamen, María Victoria Álvarez de-
klaris ke ĝi estis mono el la makleraĵoj pro publikaj konstruo-

laboraĵoj. Tio kaŭzis etan tertremon en la kataluna politiko. La skan-
dalo estis rilatita tiam al la bankroto de Banca Catalana, sed estis
pli ofte asociita kun la akuzo ke la Pujol-klano ŝargis makleraĵojn
al komercistoj dum la 23-jara prezidanteco de Pujol en Katalunio.

La juĝisto de la Nacia Tribunalo komisiita de la kazo, José de la
Mata, konsentis kun Maragall kiam li identigis pli ol cent firmaoj
al kiuj estis aljuĝitaj kontraktoj de la Generalitat kaj de municipoj

regataj de CiU, kiuj pagis makleraĵojn kun valoro de 11,5 milio-
noj da eŭroj al la familio Pujol.
Gravaj figuroj de Convergència i Unió kaj la Partit dels Socialistes de
Catalunya (PSC) estis implikitaj en alia grava skandalo en Katalunio.

En 2009, Baltasar Garzón komencis esplori la Pretoria-kazon, intri-
gon de urba korupto kiu rilatis al tri municipoj en la provinco de
Barcelono kaj kelkajn eksajn altrangajn oficialulojn de Convergència

i Unió kaj la PSC. La reto, aktiva ekde 2002, estis dediĉita falsi pu-
blikajn kontraktojn kaj kontraŭleĝe reklasifiki terojn apartenantajn
al municipoj en la nordo de la Barcelona metropolitena areo; ĉefe

Santa Coloma de Gramenet, sed ankaŭ Badalona kaj Sant Andreu
de Llavaneres. Proksimume dudek altranguloj municipaj kaj regio-
naj estis imputitaj kiel membroj de kompleksa intrigo. Inter ili estis

Lluís Prenafeta, iama dekstra mano de Jordi Pujol kaj ĝenerala se-
kretario de la Prezidanteco, kaj Macià Alavedra, kiu estis ministro de
Pujol dum 15 jaroj. Ambaŭ estis akuzitaj je ne-leĝa asocio, influo-
trafiko kaj monlavado. Ankaŭ la eksa urbestro de Santa Coloma, la

socialisto Bartomeu Muñoz, estis arestita, akuzita pri ne-leĝa asocio,
postulo kaj kolektado de subaĉetaĵoj, fraŭdo kaj falsado de doku-
mentoj. Krome estis imputitaj ankaŭ la konsilisto pri Urba Planado

43